މާލޭގައި ސްކޫލު ކުއްޖެއްގެ ދަބަހެއް ވަގަށް ނެގި މީހާ ހޯދައި ހައްޔަރުކޮށްފިއެވެ.

ފުލުހުންގެ އިދާރާއިން ވިދާޅުވީ، މި ނޮވެންބަރު 5 ވަނަ ދުވަހުގެ 08:48 ހާއިރު އަމީރު އަހުމަދުމަގު / ކަސްތޫރި ގޯޅި ހިމެނޭ ކަންމަތީ ޕާކުކޮފައި ހުރި ސައިކަލެއްގައި ބާއްވާފައި އޮތް ސްކޫލް ދަބަހެއް ވަގަށްނެގި ކަމަށް ތުހުމަތުކުރެވޭ މައްސަލައާ ގުޅިގެން ހައްޔަރުކޮށްފައި ވަނީ ނ. ވެލިދޫ / ހިފާޒް، އަޙްމަދު މާޖިދު (33އ) ކަމަށެވެ. އޭނާ ހައްޔަރުކޮށްފައި ވަނީ މިއަދު ވަނީ ކޯޓު އަމުރުއްގެ ދަށުން ކަމުގައިވެސް ފުލުހުންގެ އިދާރާއިން ވިދާޅުވިއެވެ.

ފުލުހުންގެ އިދާރާއިން ވިދާޅުވީ، އޭނާ ވަގަށްނެގި ކަމަށް ތުހުމަތުކުރެވޭ ދަބަސް (އެތެރޭގައި ހުރި ތަކެއްޗާ އެކު) ވަނީ ހޯދައި ވެރިފަރާތާ ހަވާލުކޮށްފައި ކަމަށެވެ.

އޭނާ ވަގަށް ނެގި ދަބަހަކީ، ގްރޭޑް 9ގައި ކިޔަވަމުން އައި ކުއްޖެއްގެ ދަަބަހެއް ކަމުގައި ކުއްޖާގެ ބެލެނިވެރިން ހާމަކޮށްފައިވެއެވެ.