ރައީސުލްޖުމްހޫރިއްޔާ ޑރ. މުހައްމަދު މުޢިއްޒު އެމެރިކާގެ ރިޔާސީ އިންތިޚާބު ކާމިޔާބު ކުރެއްވި އެ ޤައުމުގެ ކުރީގެ ރައީސް ޑޮނަލްޑް ޓްރަމްޕަށް މަރުޙަބާ ވިދާޅުވެއްޖެއެވެ.

ޓްރަމްޕަށް މަރުޚަބާ ވިދާޅުވެ ރައީސް ވަނީ އެކްސްގައި ޕޯސްޓެއް ކުރައްވާފައެވެ.

ރައީސުލްޖުމްހޫރިއްޔާ އެކްސްގައި ލިޔުއްވި ޕޯސްޓްުގައި ވިދާޅުވީ، ޓްރަމްޕްގެ އައު ޒަޢާމަތުގައި ދިވެހިރާއްޖެއާ އެމެރިކާގެ ގުޅުން މިހާރަށްވުރެ ބަދަހިވާނެކަމަށް އުއްމީދު ކުރައްވާކަމަށާއި، ބައިނަލްއަޤުވާމީ މައްސަލަތަކުގައި ދެ ޤައުމުގުޅިގެން މަސައްކަތް ކުރެއްވޭނެ ކަމަށް އުއްމީދު ކުރައްވާ ކަމަށެވެ. 

އެމެރިކާގެ 45 ވަނަ ރައީސްގެ މަޤާމުވެސް ފުރުއްވާފައިވާ ޓްރަމްޕް އެޤައުމުގެ ރައީސް ކަމުގެ މަޤާމަށް ހޮވިވަޑައިގެންފައި މިވަނީ ދެވަނަ ދައުރަކަށެވެ. 

ރިޔާސީ އިންތިޚާބުގައި ޓްރަމްޕަށް 267 އިލެކްޓޯރަލް ވޯޓު ލިބިވަޑައިގެންނެވި އިރު އޭނާ އާއި ވާދަކުރެއްވި، ޑިމޮކްރެޓިކް ޕާޓީގެ ކަމާލާއަށް މިހާތަނަށް ލިބިވަޑައިގަތީ 224 އިލެކްޓޯރަލް ވޯޓެވެ.

ޓްރަމްޕް ވެރިކަމަށް އައުމަކީ، އިޒްރާއީލުން ފަލަސްޠީނުގެ ރައްޔިތުންނާއި ދެކޮޅަށް މިހާރު ހިންގަމުންދާ ޤަޠުލުއާއްމު ހުއްޓުވޭނެ ކަމެއް ނޫންކަމުގައި މުރާސިލުން ބުނެއެވެ.