ރާއްޖޭގައި ބޭއްވި ފުރަތަމަ އިންޓަރނޭޝަނަލް ބިލިއާޑް މުބާރާތް، މޯލްޑިވްސް އޯޕަން 2023؛ ޓެން ބޯލް ޗެމްޕިއަންޝިޕް ކާމިޔާބުކޮށް، ޗައިނީސް ޓައިޕޭގެ ކޯ ޕިން ޗަންގް މުބާރާތުގު ތަށި އުފުލާލައިފިއެވެ.

އޭނާ މިމުބާރާތް ކާމިޔާބު ކުރީ، ރޭ ކުޅު މިމުބާރާތުގެ ފައިނަލް މެޗުގައި، ފިލިޕީންސްއަށް ނިސްބަތްވާ ޔޯހަން ޗުއާ އާ ބައްދަލުކޮށް، 10-8 ފްރޭމުން މެޗު ކާމިޔާބުކޮށްގެންނެވެ. އޭނާއަކީ މިހާރު ދުނިޔޭގެ ރޭންކިންގެ 22 ވަނައިގައި ހިމެނޭ ކުޅުންތެރިޔާއެވެ.

އޭނާއަށް މުބާރާތުގެ ޓްރޮފީއާ މެޑަލް އަދި ފައިސާގެ އިނާމް ހަވާލުކޮށްދެއްވީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙެވެ. 

Advertisement

މިމުބާރާތަކީ، ދުނިޔޭގެ 15 ޤައުމެއްގެ 64 ކުޅުންތެރިން ވާދަކުރި މުބާރާތެެކެވެ. އޭގެ ތެރޭގައި ރާއްޖޭގެ 16 ކުޅުންތެރިންވެސް ހިމެނެއެވެ.

މޯލްޑިވްސް އޯޕަން 2023؛ ޓެން ބޯލް ޗެމްޕިއަންޝިޕްއަކީ، ދުނިޔޭގެ ބިލިއާޑް ފެޑެރޭޝަނުގެ ރޭންކިން މުބާރާތެކެވެ. މިއަންނަ އަހަރުވެސް މިމުބާރާތް ބާއްވާނެ ކަމުގައި، މޯލްޑިވްސް ޕޫލް ބިލިއާޑް އެސޯސިއޭޝަން (އެމްޕީބީއޭ)އިން ހާމަކުރައްވައެވެ.