މިރެއަކީ މިއަހަރު ފެންނާނޭ އެންމެ އަލިގަދަ އަދި ބުރުހަމަ ހަނދު އެންމެ ބޮޑުކޮށް ފެންނާނެ ރޭކަން ރައީސް މައުމޫން ހަނދާންކޮށްދެއްވައިފިއެވެ.

އެކްސްގައި ކުރެއްވި ޕޯސްޓްގައި ރައީސް މައުމޫން ވިދާޅުވީ،  މިއަަހަރު ފެންނާނެ އެންމެ ބޮޑު އަދި އެންމެ އަލިގަދަ ފުލްމޫން ފެންނާނީ މިރޭ ކަމަށާއި، މިރޭ ހަނދު އަރާނީ މިއަދު ހަވީރު 5:49 ގައި ކަމަށެވެ. އަދި ހަނދު އޮއްސޭނީ މާދަމާ ހެނދުނު 6:23 ގައިކަމަށާއި ހަނދު ބަލާލެއްވުމަށް އެދިވަޑައިގަންނަވާ ކަމުގައިވެސް ރައީސް މައުމޫނު ވިދާޅުވިއެވެ.

ކުރީގެ ރައީސް މައުމޫނަކީ، ފަލަކީ ޢިލުމަށް ވަރަށް ބޮޑަށް ޝައުޤުވެރިކަން ބަހައްޓަވާ، އަދި އެމައުލޫމާތު އާއްމުންނާއި ޙިއްޞާކުރެއްވުމަށް ޚާއްޞަ އަހައްމިއްޔަތުކަމެއް ދެއްވަވާ ބޭފުޅެކެވެ.

ނުޖޫމީ ޢިލްމުގެ މައުލޫމާތުތައް ގެނެސްދޭ މަސްދަރުތަކުގައި ހާމަކޮށްފައިވާ ގޮތުގައި، ދެން ބުރުހަމަ ބޮޑު ހަނދެއް ދުނިޔެއަށް ފެންނާނީ، 2025 ވަނަ އަހަރުގެ ނޮވެމްބަރު މަހުގެ 5 ވަނަ ދުވަހުއެވެ. އަދި ހަަމަ އެއަހަރުގެ ޑިސެމްބަރު މަހުގެ 5 ވަނަ ދުވަހުވެސް ބުރުހަމަ ބޮޑު ހަނދެއް ދުނިޔެއަށް ފެންނާނެއެވެ.