Advertisement

މ. އަސަރީހަނދާން، ތަސްލީމް މުޙައްމަދު (43އ) --

06 Oct 2024
ޚަބަރު
ޢަލީ ސުލައިމާން

ތަސްލީމު ހޯދުމަށް އިންޓަރޕޯލްގެ ޔެލޯ ނޯޓިސް ވަނީ ނެރެފައި: ފުލުހުން

މއ. އަސަރީ ހަނދާން، މުހައްމަދު ތަސްލީމް، 43، ހޯދަން ފުލުހުން ނެރެން އެދުނު އިންޓަޕޯލް ޔެލޯ ނޯޓިސް މިދިޔަމަހުގައި ވަނީ ނެރެފައި ކަމުގައި ފުލުހުންގެ އިދާރާއިން ވިދާޅުވެއްޖެއެވެ.

ފުލުހުންގެ އިދާރާއިން މިހެން ވިދާޅުވީ، ތަސްލީމް ހޯދުމަށް އިންޓަޕޯލްގެ ޔެލޯ ނޯޓިސް ނެރުމަށް ފުލުހުން އެދިފައިވީނަމަވެސް އެ ނޯޓިސް ނެރެފައި ނުވާކަމަށް ބުނެ ބައެއް މީޑިއާތަކުން ރިޕޯޓް ކުރުމާއި ގުޅިގެންނެވެ. ފުލުހުންގެ އިދާރާއިން ވިދާޅުވީ، ތަސްލީމް ހޯދުމަށް އިންޓަރޕޯލްގެ ޔެލޯ ނޯޓިސް ހުސްވި ސެޕްޓެމްބަރު މަހުގެ 12 ވަނަ ދުވަހު ނެރެފައިވާ ކަމަށެވެ. 

ފުލުހުންގެ އިދާރާއިން ވިދާޅުވީ،  އިންޓަޕޯލް މެދުވެރިކޮށް ޕަބްލިޝް ކުރާ ނޯޓިސް ތަކަކީ މެމްބަރު ޤައުމުތަކަށް ފެންނަ ގޮތަށް ޕަބްލިޝްކުރާ ނޯޓިސްތަކެއް ކަމަށާއި، އެހެން ނަމަވެސް އިންޓަޕޯލްގެ ހުރިހާ ނޯޓިސްތަކަކީ އާއްމުކޮށް އެންމެންނަށް ފެންނަން ހުންނަ ގޮތަށް ޝާއިއުކުރާ ނޯޓިސްތަކެއް ނޫން ކަމަށެވެ. 

ތަސްލީމް ހޯދުމަށް އިންޓަރޕޯލްގެ ޔެލޯ ނޯޓިހަށް ފުލުހުން އެދުނު ނަމަވެސް، ތަސްލީމް ރާއްޖެއިން ބޭރަށް ފުރައިގެން ދިޔަކަން މިހާތަނަށް އެނގިފައި ނުވާކަމުގައި ފުލުހުންގެ އިދާރާއިން ވަނީ ވިދާޅުވެފައެވެ. ފުލުހުންގެ އިދާރާއިން ވިދާޅުވީ، މ. އަސަރީހަނދާން، ތަސްލީމް މުޙައްމަދު (43އ) ގެއްލުނު މައްސަލަ ޖިނާޢީ މައްސަލައެއްގެ ގޮތުގައި ތަޙްޤީޤުކުރަމުންދާ ކަމަށާއި، އެ މައްސަލައިގައި އިންޓަރޕޯލްގެ ޔެލޯ ނޯޓިސް ނެރެފައި ވަނީ، އޭނާ ރާއްޖެއިން ބޭރަށް ފުރައިގެން ގޮސްފައިވާކަމަށް ބަލައިގެން ނޫންކަމަށެވެ.

އޮގަސްޓް މަހުގެ 29 ވަނަ ދުވަހު، މާލެ އަތޮޅު ހުވަފެންފުށި ރިޒޯޓުކައިރީގައި ހިއްކާފައި އޮތް ފަސްގަނޑަކަށް ދަތުރުގޮސް އުޅެނިކޮށް ގެއްލުނުކަމަށް ބުނާ ތަސްލީމަށް ވީގޮތެއް މިހާތަނަށް ފުލުހުންނަށްވެސް އަދި ހޯދިފައެއް ނުވެއެވެ. 

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.