Advertisement

އިބްރާހީމް ޖައުހަރީ (ޖޯރޭ) --

01 Oct 2024
ޚަބަރު
ޢަލީ ސުލައިމާން

ޖޯރޭގެ މަރުގައި ޝައްކު ކުރެވޭ ކަމެއް ނެތް: ފުލުހުން

އިއްޔެ މާލޭ އުސްފަސްގަނޑާއި ދިމާއި ކަނޑު ތެރޭގައި މަރުވެފައި އޮއްވައި ފެނުނު އިބްރާހީމް ޖައުހަރީ (ޖޯރޭ)ގެ މަރުގައި ޝައްކު ކުރެވޭ އެއްވެސް ކަމެއް މިހާތަނަށް ފުލުހުންނަށް ފާހަގަވެފައި ނެތް ކަމުގައި ފުލުހުންގެ އިދާރާއިން ވިދާޅުވެއްޖެއެވެ.

އިއްޔެ އުސްފަސްގަނޑާއި ދިމާއި ކަނޑު ތެރޭގައި ޖޯރޭ ގެ ހަށިގަނޑު އޮޔާދަނިކޮށް ފެނިގެން ފުލުހުންނަށް ރިޕޯޓްކޮށްފައި ވަނީ، 17:06 ހާއިރުގައެވެ. އޭނާގެ ހަށިގަނޑު މޫދުން ނަގައިގެން ހޮސްޕިޓަލަށް ގެންދިޔަ އިރުވެސް އޮތީ މަރުވެފައެވެ.

ފުލުހުންގެ އިދާރާައިން ވިދާޅުވީ، އިއްޔެ 15:04 ހާއިރު ބުރިޖާއި ދިމާއިން މޫދަށް އޭނާަ މަސްބާނަން ފޭބިކަން އެނގިފައިވާ ކަމަށެވެ. އެހެން ނަމަވެސް އޭނާ މަރުވީ ގެނބިގެން ކަމެއް ނުވަތަ ސިއްޙީ އެހެން މައްސަލައެއް ދިމާވެގެން ކަމެއް މިހާތަނަށް ތަޙްޤީޤަށް އެނގިފައިނުވާ ކަމަށާއި، އެހެން ނަމަވެސް އިތުރު ޓެސްޓްތައް ހެދުމަށް ސާމްޕަލް ނަގާފައިވާ ކަމުގައި ފުލުހުންގެ އިދާރާއިން ވިދާޅުވިއެވެ.

ފުލުހުންގެ އިދާރާއި ވިދާޅުވީ ޖޯރޭގެ މަރުގެ މައްސަލަ ބަލަމުންދާ ކަމަށެވެ.

އިއްޔެ މަރުވެފައި އޮއްވައި ފެނުނު އިބްރާހީމް ޖައުހަރީ (ޖޯރޭ) އަކީ، އެމްޑީޕީގެ އިސްލާޙީ ހަރަކާތްތައް ކަވަރު ކުރުމާއި އެޕާޓީގެ އިވެންޓްތައް ކަވަރު ކުރުމުގައި ކެމެރާމަނެއްގެ ގޮތުގައި ވަރަށް ގިނަ ދުވަހު މަސައްކަތް ކުރި މީހެކެވެ. އޭނާަ މަރުވުމާއި ގުޅިގެން އެމްޑީޕީއާއި އެމްޑީޕީގެ އިސްވެރިންވަނީ އާއިލާއަށް ތަޢުޒިޔާ ކިޔާފައެވެ.

ޖޯރޭގެ ޖަނާޒާ ބާއްވާފައި ވަނީ ރޭގެ ފަތިސް ނަމާދަށް ފަހުގައި ހުޅުމާލެ ސަހަރާގައެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.