Advertisement
ގދ. ތިނަދޫ، ރަންފަރު ޛަބީޙް މުޙައްމަދު (41އ) --
ފަތުރުވެރިއެއްގެ ދަބަސް ވަގަށް ނެގި ކަމަށް ރިޕޯޓު ކުރިތާ 2 ގަޑިއިރުތެރޭގައި ފުލުހުން އެ ދަބަސް ހޯދައިދީފި
ފަތުރުވެރިއެއްގެ ދަބަސް ވަގަށް ނެގި މީހަކު ހޯދައި އޭނާ ހައްޔަރުކޮށްފިއެވެ.
ފުލުހުންގެ އިދާރާއިން ވިދާޅުވީ، އިއްޔެ ފަތަުރުވެރިއެއްގެ ދަބަހެއް ވަގަށް ނަގައި އޭގައި ހުރި ބައެއް ތަކެތި ވިއްކާލި މައްސަލައިގައި ހައްޔަރުކޮށްފައި ވަނީ، ގދ. ތިނަދޫ، ރަންފަރު ޛަބީޙް މުޙައްމަދު (41އ) ކަމަށެވެ.
ފުލުހުންގެ އިދާރާއިން ވިދާޅުވީ، އޭނާ ވަގަށް ނަގާފައި ވަނީ، މޭރީ ބްރައުންނާއި ދިމާއިން ބޮޑު ތަކުރުފާނު މަގުގެ ބުރު މަތީގައި ޗައިނާގެ ފަތުރުވެރިންތަކަށް ހަނދާންނެތި ބޭއްވުނު ދަބަހެއް ކަމަށެވެ. ފުލުހުންގެ އިދާރާއިން ވިދާޅުވީ، އެމައްސަލަ ފުލުހުންނަށް ރިޕޯޓްކޮށްފައި ވަނީ ރޭގެ 19:12 ހާއިރުގައި ކަމަށާއި، ދެގަޑިއިރު ތެރޭގައި ފުލުހުން ދަބަހާއި ތަކެތި ހޯދައި ވެރިފަރާތާއި ހަވާލުކޮށްފައިވާ ކަމަށެވެ.
ދަބަހުގައި ހުރީ، އަންނައުނާއި ލެޕްޓޮޕަކާއި ހާޑު ޑްރައިވަކާއި، ޕަވަބޭންކާއި ޕާސްޕޯޓު ކަމަށާއި އޭގެ ތެރެއިން ބައެއް ތަކެތި ހޯދާފައި ވަނީ ވިއްކާލާފައި ވަނިކޮށް ކަމުގައިވެސް ފުލުހުންގެ އިދާރާއިން ވިދާޅުވިއެވެ.
