Advertisement
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ---
ސޯޝަލް މީޑިއާގައި ރައީސަށް މަރުގެ އިންޒާރު ދިން މައްސަލައެއް ބަލަން ފަށައިފި
ރައީސުލްޖުމްހޫރިއްޔާ ޑރ. މުޙައްމަަދު މުޢިއްޒަށް މީހަކު ސޯޝަލް މީޑިއާގައި މަރުގެ އިންޒާރު ދިން މައްސަލައެއް، ސީރިއަސް މައްސަލައެއްގެ ގޮތުގައި ބަލަމުންދާ ކަމުގައި ފުލުހުންގެ އިދާރާއިން ވިދާޅުވެއްޖެއެވެ.
ފުލުހުންގެ އިދާރާއިން ވިދާޅުވީ، ރައީސުލްޖުމްހޫރިއްޔާއަށް މަރުގެ އިންޒާރުދީފައިވަނީ، ޢަބުދުﷲ މީޢާދު ޔޫސުފްގެ ނަމުގައި ސޯޝަލް މީޑިއާގައި ހަރަކާތްތެރިވަމުން އަންނަ މީހެއް ކަމަށެވެ.
ޢަބްދުﷲ މީޢާދަކީ، އިންޑިއާގައި ދިރިއުޅެމުން އަންނަ މީހެކެވެ. އަދި އޭނާއަށް ނަފްސާނީ މައްސަލަތަކެއް ދިމާވެފައިވާ ކަމުގައިވެސް އާާއިލާގެ ގާތް މީހުންގެ ފަރާތުން މައުލޫމާތު ލިބިފައިވެއެވެ.
އަބްދުﷲ މީޢާދު ޔޫސުފްގެ ނަމުގައި ހިންގަމުން އަންނަ ސޯޝަލް މީޑިއާއެކައުންޓްތައް ގިނަ ބަޔަކު ފޮލޯ ކުރާއިރު، އޭނާ އަކީ، ސިޔާސީ ކަންކަމުގައިވެސް ވާހަކަދައްކައި ބަސްބުނެ އުޅޭ މީހެކެވެ.
