ހުޅުމާލެ މަގުމަތިން ހޮވައިގެން ގެނެސްފައިވާ ކުކުޅު ކޭހެއްގެ ވެރިފަރާތް ހޯދުމަސް ފުލުހުން އިއުލާނުކޮށްފިއެވެ.

ފުލުހުންގެ އިދާރާއިން ވިދާޅުވީ، ހުޅުމާލެ ފޭސް 1 އަލިނަރު ކެފޭ ކައިރިން ހޮވައިގެން ގެނެސްފައިވާ ކުކުޅު ކޭހެއްގެ ވެރިފަރާތް ހޯދުމުގެ މަސައްކަތް ފުލުހުން ދަނީ ކުރަމުންދާ ކަމަށެވެ. މި ކުކުޅު ކޭހުގެ ވެރިފަރާތުން، ހުޅުމާލެ ފޭސް 1 ޕޮލިސް ސްޓޭޝަނަށް ހާޒިރުވެ ތަކެއްޗާއި ހަވާލުވުމަށް އެދޭ ކަމަށާއި، އިތުރު މައުލޫމާތު ސާފުކުރެއްވުމަށް ހުޅުމާލެ ފޭސް 1 ޕޮލިސް ސްޓޭޝަނުގެ ނަންބަރު 9980062 ގުޅުއްވުމަށްވެސް އެދޭ ކަމަށް ފުލުހުންގެ އިދާރާއިން ހާމަކުރައްވާފައިވެއެވެ.

މަގުމައްޗަށް ވެއްޓިފައިވާ ކުކުޅުކޭހަކީ، ގަނޑުކުރި އެއްގަމު މަހާއި ކާބޯތަކެތި އުފުލުމުގައި އަމަލުކުރަންޖެހޭ ޤަވާއިދާއި ޚިލާފަށް އުފުލުމުގެ ތެރޭގައި މަގުމައްޗަށް ވެއްޓިފައިވާ ކުކުޅުކޭހެއް ކަމުގައި ވަނީ ބެލެވިފައެވެ.