Advertisement
ނ. ހޮޅުދޫ، މާރަނގަ، ޒަކިއްޔާ މޫސާ މަނިކު --
ޒަކިއްޔާގެ ޕޯސްޓް މޯޓަމް ނުހެދީ ތަޙްޤީޤަށް އެކަން މުހިއްމު ކަމަށް ނުފެންނާތީ: ފުލުހުން
ނ. ހޮޅުދޫ، މާރަނގަ، ޒަކިއްޔާ މޫސާ މަނިކުގެ ޕޯސްޓް މޯޓަމް ނުހަދައި ވަޅުލީ، އޭނާގެ މަރުގެ މައްސަލައިގައި ޕޯސްޓް މޯޓަމް ހެދުން މުހިއްމު ކަމަށް ތަޙްޤީޤަށް ނުފެންނާތީ ކަމުގައި ފުލުހުންގެ އިދާރާއިން ވިދާޅުވެއްޖެއެވެ.
މިއަދު ބޭއްވި ނޫސްވެރިންގެ ބައްދަލުވުމުގައި ފުލުހުން ވިދާޅުވީ، ޒަކިއްޔާގެ ހަށިގަނޑު މާލެ ގެނައުމަށްފަހު ތަޙްޤީޤަށް ބޭނުންވާ ސާމްޕަލްތައް ނަގައި އަނބުރައި ރަށަށް ފޮނުވައި ހަށިގަނޑު ވަޅުލީ، ޕޯސްޓް މޯޓަމް ހެދުން މުހިއްމުކަމަށް ތަޙްޤީޤަށް ނުފެންނާތީ ކަމުގައެވެ. އެހެން ނަމަވެސް ޒަކިއްޔާގެ މަރުގެ މައްސަލައިގެ ތަހްޤީޤުތައް އަދިވެސް ކުރިޔަށްދާކަމަށާއި ތަޙްޤީޤުގެ ބޭނުމަށް ފުލުހުން އެރަށުގަިއ ހަރަކާތްތެރިވަމުންދާ ކަމުގައި ފުލުހުން ވިދާޅުވިއެވެ.
ޒަކިއްޔާ އޭނާ ދިރިއުޅޭ ގޭގައި މަރުވެފައި އޮއްވައި ފެނުނީ، މިސެޕްޓެމްބަރު މަހުގެ 10 ވަނަ ދުވަހުގައެވެ. އޭނާގެ ކަރުގައި ޒަޚަމެއް ހުރި އިރު އޭނާވެއްޓިފައި އޮތް ތަނުގައި ތޫނު އެއްޗެއް އޮތް ކަމުގެ މައުލޫމާތުވެސް ލިބިފައިވެއެވެ.
