މާލެއިން ހުޅުމާލެއަށް 5 ފޫޓު ހުންނަ ވަރުގެ ސާފުބޯޑެއް ސައިކަލުގައި އުފުލި މީހުން ހޯދައި ފިޔަވަޅުއަޅައިފިއެވެ.

ފުލުހުންގެ ތަރުޖަމާނު އަޙްމަދު ޝިފާނު ވިދާޅުވީ، ސިނަމާލެ ބްރިޖާއި ހައިވޭ ހުރަސްކޮށް ސައިކަލުގައި ސަރފްބޯޑެއް އުފުލި މީހަކާމެދު، ގަވައިދާ ހިލަފަށް މުދާ އުފުލުމުގެ މައްސަލައިގައި ފިޔަވަޅު އަޅާފައިވާކަމަށެވެ. އަދި އެ ފަދަ އަމަލުތަކަކީ ތިމާއާއި އަނެކުންގެ ސަލާމަތާއި ރައްކާތެރިކަމަށް ނުރައްކާވެދާނެ ކަންކަން ކަމުގައިވާތީ، މިފަދަ އަމަލުަތަކުން ދުރުހެލިވުމަށް އެންމެހައި ފަރާތްތަކަށް ހަނދާންކޮށްދޭ ކަމުގައިވެސް އޭނާ ވިދާޅުވިއެވެ.

ސިނަމާލެ ބުރިޖާ ހައިވޭ ހުރަސްކޮށް ހުޅުމާލެއިން މާލެއަށް އަދި މާލެއިން މާލެއަށް ސައިކަލުގައި މުދާ އުފުލާ މައްސަލަތަކުގައި ފުލުހުން އަންނަނީ މީހުން ހުއްޓުވައި ފިޔަވަޅުތައް އަޅަމުންނެވެ.