Advertisement
ގެއްލިގެން ހޯދަމުން އަންނަ ފަރީދުގެ ނަން ދީފައިވާ ހައު ---
އައްޑޫއިން ހައުލެއް ގެއްލިގެން ހޯދަނީ، ހޯދައި ދިން ފަރާތަކަށް ބޮޑު އިނާމެއް ވަނީ ހުށައަޅާފައި!
އައްޑޫ ސިޓީގައި މީހަކު ގެންގުޅެމުން އައި ރަތް ހައުލެއް ގެއްލިގެން ހޯދަން އިޢުލާނުކޮށްފިއެވެ.
އެ ހައުލާއި ބެހޭ ގޮތުން މައުލޫމާތު ދިން ފަރާތުން ބުނީ، ހައު ހޯދުމަށް މަސައްކަތް ކުރަމުން އަންނަ ކަމަށާއި މިހާތަނަށް އެ ހައު އަދި ފެނިފައި ނުވާ ކަމަށެވެ. އެ ހައުލަށް އޭގެ ވެރިފަރާތުން ދީފައިވާ ނަމަކީ، "ފަރީދު" އެވެ. ގެއްލުނު އިރު އޭގެ ފައިގައި ރަން ކެވެލިފަށެއްވެސް އޮންނާނެ ކަމުގައި، ހައު ގެއްލިގެން ހޯދަން ކޮށްފައިވާ އިޢުލާނުގައި ބުނެފައިވެއެވެ.
ހައު ހޯދުމަށް ސޯޝަލް މީޑިއާގައި ކޮށްފައިވާ ޕޯސްޓް --
މި ހައު ގެއްލުނީ އައްޑޫ ސިޓީ ހުޅުދޫއިން އިއްޔެ ހަވީރުގައެވެ. ހައު ހޯދައިދިން ފަރާތަކަށް 15000ރ ގެ އިނާމެވެސް ވަނީ ހުށައަޅާފައެވެ.
ހައުލަކީ، ރާއްޖޭގައި މީހުން ގޯތި ގެދޮރުގައި ގެންގުޅޭ އެއްޗެއް ނަމަވެސް ޕެޓެއްގެ ގޮތުގައި ހައުލެއް ގެންގުޅޭ ކަމެއް މީގެ ކުރިން އެނގިފައެއް ނުވެއެވެ. އެހެން ނަމަވެސް 2006 ވަނަ އަހަރު ޏ. ފުވައްމުލަު ގެއެއްގައި ގެންގުޅުނު، އަންހެނުންނާއި ތޮޅޭ ރަތް ހައުލެއްގެ ވާހަކަ، އޭރު މީޑިއާގެ ސަމާލުކަމަށް އައެވެ.
