Advertisement
ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ---
ރިޔާސީ އިންތިޚާބުގައި ހއ. އާއި ށ އަތޮޅުން ބޮޑު އަޣުލަބިއްޔަތެއް ލިބޭނެ ކަމުގައި ރައީސުލްޖުމްހޫރިއްޔާ ވިދާޅުވެއްޖެ
މިއަހަރުގެ ރިޔާސީ އިންތިޚާބުގައި، ތިލަދުންމަތީ އުތުރުބުރިއާ މިލަދުންމަޑުލު އުތުރުބުރިން ބޮޑު އަޣުލަބިއްޔަތެއް ލިބޭނެ ކަމަށް ޔަޤީން ކުރައްވާކަމުގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވެއްޖެެއެވެ.
އެމަނިކުފާނު މިހެން ވިދާޅުވީ، ށ އަތޮޅަށާއި ހއ އަތޮޅަށް ކުރެއްވި ކެމްޕޭން ދަތުރަށްފަހުގައި މިއަދު، ހދ ހަނިމާދޫޫއަށް މިއަދު ވަޑައިގެން ރާއްޖޭގެ މީޑިއާތަކަށް ދެއްވި ބަސްދީ ގަތުމުގައެވެ.
ރައީސުލްޖުމްހޫރިއްޔާ ވިދާޅުވީ، ހއ އަތޮޅާއި ށ އަތޮޅުގެ ހުރިހާ ރަށަކަށް ދަތުރުކުރެއްވުނު އިރު އެރަށްރަށުން ބޮޑު ތަރުޙީބެއް ލިބިވަޑައިގެންނެވި ކަމަށާއި، ކެމްޕޭނުގައި ދެން ވަޑައިގަންނަވާ ރަށްރަށުންވެސް އެވަރުގެ ތާއީދެއް ލިބެނޭކަމަށް އުއްމީދު ކުރައްވާ ކަމަށެވެ.
ރިޔާސީ އިންތިޚާބުގެ ކެމްޕޭނަށް ރައީސުލްޖުމްހޫރިއްޔާ، މިލަދުންމަޑުލުގެ ރަށްރަށާއި، ތިލަދުންމަތީ އުތުރުބުރީގެ ރަށްރަށަށް ކުރެއްވި ރަސްމީ ދަތުރުފުޅު ނިންމަވާލެއްވުމަށްފަހު މިރޭ މާލެ ވަޑައިގަންނަވާނެއެވެ.
ރައީސުލްޖުމްހޫރިއްޔާގެ މިދަތުރުފުޅުގައި ހުރިހާރަށެއްގައިވެސް ވަނީ ކެމްޕޭން ބައްދަލުވުންތައް ބާއްވައި، އެރަށްރަށުގައި ހިންގިފައިވާ ތަރައްޤީގެ މަޝްރޫއުތަކުގެ ތެރެއިން ނިމިފައިވާ މަޝްރޫޢުތައް އިފްތިތާޙްކޮށްދެއްވާފައެވެ. މިއަހަރުގެ ރިޔާސީ އިންތިޚާބަށް ކެންޑިޑެންސީ ހުށައެޅުމަށް އިލެކްޝަންސް ކޮމިޝަނުން ހުޅުވާލާފައިވާ ފުރުޞަތު މިރޭގެ އޮގަސްޓް 7 ވަނަ ދުވަހަށް ހަމަވާނެއެވެ.
