މާލޭ ބިންމާ ސްޓޯރ ކުރިމަތިން އޮންނަ ގުލާބީ މަގުން، މީހެއްގެ އަތުން ސައިކަލެއް ފޭރުނު މީހަކު ހައްޔަރުކޮށްފިއެވެ.

ފުލުހުންގެ އިދާރާއިން ވިދާޅުވީ، މަގުމަތިން މީހެއްގެ އަތުން ސައިކަލެއް ފޭރިގަތް މައްސަލައިގައި ހައްޔަރުކޮށްފައި ވަނީ، މާލެ ދަފްތަރު ނަމްބަރު 5624، އަޙްމަދު ޝައިރަފް ޢަބްދުއްރަޙީމް (30އ) ކަމަށެެވެ.

އޭނާ ފޭރުމުގެ އެއަމަލު ހިންގާފައި ވަނީ، މިދިޔަ ހޮނިހިރު ދުވަހުގައި ކަމަށާއި، އޭނާގެ ބަންދާއިމެދު ގޮތެއް ނިންމުމަށް ކޯޓަށް ހާޟިރުކުރުމުން، ކްރިމިނަލް ކޯޓުން އޭނާގެ ބަންދަށް 15 ދުވަސް ޖަހައިދީފައިވާ ކަމުގައިވެސް ފުލުހުންގެ އިދާރާއިން ވިދާޅުވިއެވެ.

ފުލުހުން ވިދާޅުވީ، ފޭރުމުގެ އެމައްސަލަ ތަޙްޤީޤުކުރަމުންދާ ކަމަށެވެ.