މިއަދު މާލޭގައި ހިނގި އަލިފާނުގެ ހާދިސާ އާއި ގުޅިގެން، އެސަރަހައްދު އާއްމު ޓްރެފިކަށް ބަންދުކޮށްފިއެވެ. 

ފުލުހުންގެ އިދާރާއިން ވިދާޅުވީ، ހ. ދޫހިމެރިގެ ހިމެނޭ ސަރަހައްދު ޓްރެފިކަށް ބަންދުކޮށްފައިވާ ކަމަށެވެ. މިގޮތުން ސޯސަން މަގު ދެކުނަށް ގޮސް ނިމޭކޮޅު، ބޮޑު ރަސްގެފާނު މަގާއި ގުޅުނު ހިސާބުން ދެކުނަށް ބަންދުކޮށްފައި ވާއިރު، ދޫހިމެރިމަގު، ކޮއިމަލާ ހިނގުމާއި ގުޅުނު ހިސާބުން އިރަށް، ކާސިންޖީ މަގާއި، ކަލާފާނު ހިނގުން ގުޅޭ ޖަންކްޝަނާއި ހަމައަށް ވަނީ ބަންދުކޮށްފައެވެ.

އަލިފާނުގެ ހާދިސާ ހިނގި އެސަރަހައްދަށް އާއްމު ޓްރެފިކަށް ބަންދުކޮށް އެއްގަމު އުޅަނދުފަހަރު ވަނުން މަނާކޮށްފައި ވާއިރު، މިރޭވެސް އެގޭގައި ވަނީ ދެވަނަ ފަހަރަށް ރޯވެފައެވެ. އެހެން ނަމަވެސް ރޯވި އަލިފާން ފެތުރެމުން ނުދާކަމަށާއި ކޮންޓްރޯލް ކުރެވިފައިވާ ކަމަށް އެމްއެންޑީއެފުން ވަނީ ވިދާޅުވެފައެވެ.