މިއަދު މެންދުރު ފަހު، އަލިފާން ރޯވި، ގާމަގު ކެފޭ ހިންގާ، ހ. ދޫހިމެރި ގޭގައި އަނެއްކާވެސް އަލިފާން ރޯވެއްޖެއެވެ.

ފުލުހުންގެ އިދާރާއިން ވިދާޅުވީ، އެގޭގައި އަލިފާން ރޯވިކަމުގެ މައުލޫމާތު ލިބިގެން ފުލުހުންނާއި ސިފައިން ހަރަކާތްތެރިވަމުންދާ ކަމަށެވެ.

އެންމެ ފުރަތަމަ އެގޭގައި މިއަދު އަލިފާން ރޯވެގެން  އެމްއެންޑީއެފް ފަޔަރ އެންޑް ރެސްކިޔު ސަރވިސްއިން ހަރަކާތްތެރިވާން ރޕޯޓްކޮށްފައިވަނީ މިއަދު މެންދުރު 14:47 ހާއިރުގައެވެ. އަލިފާނުގެ އެހާދިސާގައި ތިން ބުރިއަށް ޑެގުއަޅައިގެން ހަދާފައިވާ އެގެ އެއްކޮށް އަނދައިގެން ދިޔައެވެ.

މީގެ އިތުރުން އެގެއާ އިންވެގެން ހުރި އެހެން އިމާރާތަކަށްވެސް ގެއްލުން ލިބުނެވެ. އެގޭގައި މެންދުރުފަހު ހިނގި އަލިފާނުގެ ހާދިސާގައި 37 މީހަކު ވަނީ ހާލުގައި ޖެހި ވަގުތީ ހިޔާތަކަށް ގެންގޮސްައެވެ. އޭގެ ތެރޭގައި 22 ދިވެހިންނާއި 15 ބިދޭސީން ހިމެނޭ ކަމުގައި އެންޑީއެމްއޭއިން ހާމަކުރައްވާފައިވެއެވެ.