ހދ. ހިރިމަރަދޫ ރައްޔިތުން ބޭނުންވަނީ، އެރަށްދޫކޮށް، ކ. ތުލުސްދޫއަށް ހިޖުރަ ކުރަން ކަމުގައި އެރަށު ކައުންސިލުން، ލޯކަލް ގަވަރމެންޓް މިނިސްޓަރ އާދަމް ޝަރީފް އުމަރަށް ދަންނަވައިފިއެވެ.

މިއަދު އެކައުންސިލްގެ މެމްބަރު ވަނީ، މާލޭގައި މިނިސްޓަރ އާދަމް ޝަރީފް ޢުމަރާއި ބައްދަލު ކުރައްވާފައެވެ. އެމިނިސްޓްރީން ހާމަކުރައްވާފައިވާ ގޮތުގައި، ހދ. ހިރިމަރަދޫ ކައުންސިލާއެކު ވަޒީރު އާދަމް ޝަރީފު ޢުމަރު ބޭއްވެވި ބައްދަލުވުމުގައި އެ ރަށު މީހުން، ބަދަލުކުރުމުގެ މަސައްކަތް އަވަސްކޮށްދެއްވުމަށް އެދިވަޑައިގެންނެވުމުގެ އިތުރުން މި ވަގުތު ދިމާވެފައިވާ ނެރުތިލަވުމުގެ މައްސަލައަށް އަވަސް ޙައްލެއް ހޯއްދަވައި ދެއްވުމަށް ކައުންސިލުން ވަނީ މިނިސްޓަރަށް ދަންނަވާފައެވެ. 

ހދ. ހިރިމަރަދޫ ރައްޔިތުން، ކ. ތުލުސްދޫއަށް ބަދަލުވުމަށް އެދިފައި ވާއިރު، އެރަށަކީ، ސުނާމީ ކާރިސާއަށްފަހު، ދ. ރިނބުދޫ މީހުންވެސް ހިޖުރަކޮށްފައިވާ ރަށެކެވެ. ރިނބުދޫ މީހުންގެ ތެރެއިން ތުލުސްދޫއަށް ހިޖުރަކޮށްފައި ވަނީ ބައެއް އާއިލާތަކުންނެވެ.