މާލޭގެ ހ. ދޫހިމިރި ގޭގައި ހިނގި އަލިފާނުގެ ހާދިސާގައި 37 މީހުން ހާލުގައި ޖެހި އެމީހުންނަށް، އެހީތެރިކަން ފޯރުކޮށްދެމުން ގެންދާކަމުގައި، ނޭޝަނަލް ޑިޒާސްޓަރ މެނޭޖްމެންޓް އޮތޯރިޓީ (އެން.ޑީ.އެމް.އޭ) އިން ވިދާޅުވެއްޖެއެވެ.

އެ އޮތޯރިޓީން ވިދާޅުވީ، ހާލުގައި ޖެހުނު މީހުންގެ ތެރޭގައި ހިމެނެނީ،  22 ދިވެހިންނާއި 15 ބިދޭސީންނެވެ. އެ ފަރާތްތަކަށް ބޭނުންވާ އިންސާނީ އެހީތެރިކަން ފޯރުކޮށްދިނުމުގެ މަސައްކަތައް އެ އޮތޯރިޓީން މިވަގުތު ދަނީ ކުރަމުންކަމުގައި އެންޑީއެމްއޭއިން ވަނީ ހާމަކުރައްވާފައެވެ.

މިއަދުގެ އަލިފާނުގެ ހާދިސާގައި، އެންމެ ފުރަތަމަ އަލިފާން ރޯވެފައި ވަނީ، ހ. ދޫހިމިރި ގޭގައި ހިންގަމުންދިޔަ، ގާމަގު ކެފޭގެ ބަދިގޭގައެވެ. އަލިފާނުގެ ހާދިސާގައި ތިންބުރިއަށް ހުރި އެގެވަނީ ބޭނުން ނުކުރެވޭ ވަރަށް އަނދާފައެވެ. އަދި އެހާދިސާގައި އެގެއާއި އިންވެގެން ހުރި ގެއަކަށްވެސް ގެއްލުންތައް ލިބުނެވެ.