ބަރަހަނާ ފޮޓޯއާއި ވީޑީއޯ ހިއްސާކުރަމުންގެންދިޔަ 571 ޓެލެގްރާމް ޗެނަލްތަކަށް ތިރީސް ހަތަރުހާހަށްވުރެ ގިނަ މީހުން ސަބްސްކްރައިބްކޮށްފައިވާ ކަމުގައި ފުލުހުންގެ އިދާރާއިން ވިދާޅުވެއްޖެއެވެ.

ފުުލުހުންގެ އިދާރާއިން ކުރިން ވިދާޅުވީ ރޭ ، ހިފަަހައްޓައި ހުއްޓުވި ޓެެލެގްރާމް ޗެނަލްތަކަށް، ސަބްސްކްރައިބްކޮށްފައި ވަނީ ތިންހާސް މީހުން ކަމުގައި ހާމަކުރެވިފައި ވަނީ އޮޅުމަކުން ކަމަށެވެ. ފުލުހުން ވިދާޅުވީ، އެ ޓެލެގްރާމް ގުރޫޕްތަކަށް، ޖުމުލަ 34،680 މީހުން ސަބްސްކްރައިބް ކޮށްފައިވާ ކަމަށެވެ. އަދި މި ޗެނަލްތަކުގައި 241،651 ފޮޓޯއާއި 86،618 ވީޑިއޯ ޕޯސްޓްކޮށްފައިވާ ކަމަށްވެސް ފުލުހުން ވަނީ ވިދާޅުވެފައެވެ.

މި ޓެލެގްރާމް ޗެނަލްތައް ހިންގުމުގެ ތުހުމަތުގައި ފުލުހުން ވަނީ، 3 މީހުން ހައްޔަރުކޮށްފައެވެ. އަދި އެ ތަކެތި ބޭނުންކޮށްގެން އެމީހުން 2 މިލިޔަނެއްހާ ރުފޔާ ހޯދާފައިވާ ކަމަށްވެސް ފުލުހުންގެ އިދާރާއިން ވިދާޅުވެފައި ވެއެވެ.