Advertisement
ފުލުހުންގެ އިދާރާ --
މާލޭގެ ގެސްޓް ހައުސެއްގެ ތެރޭގައި ޒަޚަމްތަކާއި އެކު އޮތް މީހަކު ފެނިއްޖެ
ޒަޚަމްވެފައި އޮތް ދިވެހި ފިރިހެނަކު މާލޭގެ ގެސްޓް ހައުސްއަކުން ފެނިފައިވާ ކަމުގައި ފުލުހުންގެ އިދާރާއިން ވިދާޅުވެއްޖެއެވެ.
ފުލުހުންގެ އިދާރާއިން ވިދާޅުވީ، ޒަޚަމްވެފައި އޮއްވައި ފެނުނު މީހާއަކީ އުމުރުން 27 އަހަރުގެ ދިވެހި ފިރިހެނެއް ކަމަށެވެ. އޭނާ ފެނިފައި ވަނީ މާފަންނުގައި ހުންނަ ގެސްޓް ހައުސެއްގެ ކޮޓަރިއެއްގެ ތެރެއިން ކަމަށާއި މިހާރު އެސަރަހައްދުގައި ފުލުހުން ހަރަކާތްތެރިވަމުންދާ ކަމުގައިވެސް ފުލުހުންގެ އިދާރާއިން ވިދާޅުވެފައިވެއެވެ. ފުލުހުންގެ އިދާރާއިން ވިދާޅުވީ، ޒަޚަމްވެފައި އޮއްވައި ފެނުނު އެމީހާ އައިޖީއެމް ހޮސްޕިޓަލަށް ގެންގޮސް ފަރުވާ ދެމުންދާ ކަމަށާއި، އެމީހާ އޮތީ އައިސީޔޫއަށް ލާފައި ކަމުގައި ފުލުުހުންނަށް ހޮސްޕިޓަލުން މައުލޫމާތު ދީފައިވާ ކަމަށެވެ.
ފުލުހުންގެ އިދާރާއިން ވިދާޅުވީ، ފުލުހުން އެ ގެސްޓް ހައުސްއަށް ގޮސްފައި ވަނީ، އެ ގެސްޓްހައުސްގެ ކޮޓަރީގައި އުޅޭ މީހެއްގެ ޚަބަރެއް ނުވާކަމުގައި ފުލުހުންނަށް ރިޕޯޓް ކުރުމާއި ގުޅިގެންނެވެ.
