Advertisement
ފުލުހުން މަގުތަކުގައި ހަރަކާތްތެރިވަނީ ---
ސައިކަލުގައި މާގަސްތަކެއް އުފުލި މީހަކު ހޯދައި ފިޔަވަޅުއަޅައިފި
މާގަސްތަކެއް ހިފައިގެން ސައިކަލުގައި މާލެއިން ހުޅުމާލެއަށް ދަތުރުކުރި މީހަކު ހޯދައި އެމީހާއަށް ފިޔަވަޅު އަޅާފައިވާ ކަމުގައި ފުުލުހުންގެ އިދާރާއިން ވިދާޅުވެއްޖެއެވެ.
ފުލުހުންގެ އިދާރާއިން ވިދާޅުވީ، ބުރިޖާއި ހައިވޭ ހުރަސްކޮށް ސައިކަލުގައި މާގަސްތަކެއް އުފުލި މީހަކާމެދު، ގަވައިދާ ޚިލާފަށް މުދާ އުފުލުމުގެ މައްސަލައިގައި ފިޔަވަޅު އަޅާފައިވާކަމަށެވެ. މިފަދަ އަމަލުތަކަކީ ތިމާއާއި އަނެކުންގެ ސަލާމަތާއި ރައްކާތެރިކަމަށް ނުރައްކާވެދާނެ ކަންކަން ކަމުގައިވާތީ، މިފަދަ އަމަލުަތަކުން ދުރުހެލިވުމަށް އެންމެހައި ފަރާތްތަކަށް ހަނދާންކޮށްދޭ ކަމުގައިވެސް ފުލުހުންގެ އިދާރާއިން ހާމަކުރައްވާފައިވެއެވެ.
މީހަކު މާލެއިން ހުޅުމާލެއަށް ސައިކަލުގައި މާގަސްތަކެއް އުފުލި މައްސަލަ ފެންމަތިވީ، މީހަކު ވީޑިއޯކޮށް އެވީޑިއޯ ސޯޝަލްމީޑިއާގައި ޕޯސްޓް ކުރުމާއި ގުޅިގެންނެވެ.
