Advertisement

ށ. މިލަންދޫ ހެޕީލޭންޑް، އާދަމް އަޠުހަރު (32އ) --

08 Sep 2024
ޚަބަރު
ޢަލީ ސުލައިމާން

ޕޯސްޓްމޯޓަމް ހެދުމަށްފަހު އަތުހަރުގެ ހަށިގަނޑު މާލެ ގެނެސް މިރޭ ވަޅުލަނީ!

 އަންހެނަކު ރަހީނުކޮށް ތޫނުއެއްޗަކުން ހަމަލާދީ މަރާލާނެ ކަމުގެ އިންޒާރުދީ ބިރުދެއްކި މައްސަލައިގައި ހައްޔަރުކުރި، އާދަމް އަޠުހަރުގެ ޕޯސްޓްމޯޓަމް ހެދުމަށްފަހު ހަށިގަނޑު މާލެ ގެނެސް މިރޭ ވަޅުލުމަށް ނިންމައިފިއެވެ.

އާއިލާގެ ފަރާތުން ހާމަަކޮށްފައިވާ ގޮތުގައި އަޠުހަރުގެ ޖަނާޒާ ބޭއްވުމަށް ހަމަޖައްސާފައި ވަނީ މިރޭގެ، 22:00 ގައި ހުޅުމާލެ ސަހަރާގައެވެ.

އާއިލާއިން މައުލޫމާތު ދީފައިވާ ގޮތުގައި ޖަނާޒާ މިރޭ ބޭއްވުމަށް ނިންމީ، މިއަދު ހަވީރު އާއިލާއަށް ހަށިގަނޑު ހަވާލުކުރާނެ ކަމަށް ފުލުހުން މައުލޫމާތު ދިނުމާއި ގުޅިގެންނެވެ. ށ. މިލަންދޫ ހެޕީލޭންޑް، އާދަމް އަޠުހަރު (32އ) މަރުވީ، މިސެޕްޓެމްބަރު މަހުގެ 2 ވަނަ ދުވަހުގެ ރޭ ދޫނިދޫގައި އޭނާ ބަންދުކޮށްފައި ހުރި ގޮޅީގެ ތެރޭގައި ދަންޖެހިގެން ކަމަށް ފުލުހުން ވަނީ ބުނެފައެވެ. އަދި އަޠުހަރު ދަންޖެހިފައިހުއްޓައި ފެނުނީ، އޭނާ ދަންޖެހުނުތާ ބައިގަޑިއެއްހައި އިރު ފަހުން ކަމުގަައިވެސް ފުލުހުން ހާމަކުރި މައުލޫމާތުން އެނގިފައިވެއެވެ. އެހެންނަަމަވެސް އަޠުހަރު މަރުވީ ދަންޖެހިގެން ކަމުގައި ފުލުހުން ބުނާ ވާހަކަތައް ޤަބޫލުކުރުމަށް އާއިލާއިން ވަނީ ދެކޮޅު ހަދާފައެވެ.

އޮގަސްޓް 29 ވަނަ ދުވަހުގެ ރޭ އަޠުހަރު ހައްޔަރުކުރީ އޭނާ ލޯބީގެ ގޮތުންގުޅިގެން އުޅުނު އަންހެންމީހާ ހިފަހައްޓައި ރަހީނުކޮށް އޭނާ މަރާލާނެ ކަމުގެ އިންޒާރު ދެމުން ދަނިކޮށެވެ. އަޠުހަރުގެ އަތްދަށުން އަންހެންމީހާ ސަލާމަތް ކުރުމަށް އަތުހަރުގެ ބޮލުގައި ފުލުހަކު ވަރަށް ބާރަށް މުގުރަކުން ޖަހައި އޭނާ ވައްޓާލިއެވެ. އެހަމަލާގައި ސީރިއަސް އަނިޔާތަކެއް ލިބި އަޠުހަރަށް ވަނީ އޭޑިކޭ ހޮސްޕިޓަލާއި އައިޖީއެމްއެޗްގައިވެސް އެޑްމިޓްކޮށް ފަރުވާދީފައެވެ. 

އަޠުހަރު މަރުވުމުގައި ފުލުހުންގެ އިހުމާލުވުން އޮތްކަން ފުލުހުން މީޑިއާއަށް ހާމަކުރި މައުލޫމާތުންވެސް އެނގިފައިވެއެވެ. އަދި އެމައްސަލަ ނޭޝަނަލް އިންޓަރގްރިޓީ ކޮމިޝަނުންނާއި، ހިއުމަންރައިޓްސް ކޮމިޝަމް އޮފް ދި މޯލްޑުވްސްއިންވެސް ދަނީ ބަލަމުންނެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.