ހުކުރު ދުވަހުގެ ރޭ ހުޅުމާލޭގައި ހުޅުމާލޭގައި ނުރައްކާތެރި އެކްސިޑެންޓެއްގައި ޒުވާނަކު ނިޔާވެފައި ވާއިރު މިއަދާއި މިރޭވެސް ހުޅުމާލޭގައި ނުރައްކާތެރި އެކްސިޑެންޓްތަކެއް ހިނގައިފިއެވެ.

ފުލުހުންގެ އިދާރާއިން ހާމަކުރައްވާފައިވާ ގޮތުގައި މިއަދު ހެދުނު ހުޅުމާލެ ފޭސް 2 ގެ ނިރޮޅުމަގައި ކާރަކާއި ސައިކަލެއް އެކްސިޑެންޓްވެ ޒުވާނަކަށް ވަނީ ބޮޑެތި އަނިޔާތަކެއް ލިބިފައެވެ. ޖީއެން ސައިކަލާއި ކާރެއް ޖެހި ހިނގި އެކްސިޑެންޓް ހިނގާފައި ވަނީ، މިއަދު ހެނދުނު 6:50 ހާއިރު، ހުޅުމާލެ ފޭސް 2 ގެ ނިރޮޅުމަގުގައި ހުންނަ މިސްކިތް ކައިރީގައެވެ. މިހާދިސާގައި އަނިޔާވި ޒުވާނާގެ ހާލު ސީރިއަސްކަމުގައި މައުލޫމާތު ލިބިފައިވެއެވެ.

މީގެ އިތުރުން މިރޭވެސް ހައިވޭ އާއި ގުޅޭ ހުޅުމާލެ ދެކުނު ފަރާތު ބޭރު މަގުގައި ވަނީ ނުރައްކާތެރި އެކްސިޑެންޓެއް ހިނގާފައެވެ، ވިލާ ޕެޓްރޯލްޝެޑް ކައިރީގައި މިއެކްސިޑެންޓް ހިނގާފައި ވަނީ މިރޭގެ 8:30 ހާއިރުގައެވެ.

ހުޅުމާލޭގައި ނުރައްކާތެރި އެކްސިޑެންޓްތައް ހިނގުމަކީ މިހާރު އާއްމު ކަމަކަށް ވެފައިވާ ކަމެކެވެ.