މޯލްޑިވްސް ކަރެކްޝަނަލް ސަރވިސްގެ ލާންސް ކޯޕްރަލް ހަސަން ސަމާޙް ދުއްވި ސައިކަލުގައި ރޭސް ކާރަކުން ޖެހި ހިނގި އެކްސިޑެންޓްވި ހާދިސާގައި ކާރު ދުއްވި މީހާގެ ވަނަވަރު ފުލުހުން އާއްމުކޮށްފިއެވެ.

ރޭ ދަންވަރު 2:48 ހާއިރު ހިނގި އެ އެކްސިޑެންޓް ހިނގި އިރު ކާރު ދުއްވަން އިނީ، ސ. ހިތަދޫ، ވައިލެޓްފެހި، މުޙައްމަދު ވިސާމް ޞިދުޤީ (26އ) ކަމުގައި ފުލުހުންގެ އިދާރާއިން ވަނީ ހާމަކޮށްފައެވެ. އަދިއޭނާ މިހާރު ހުރީ ހައްޔަރުކޮށްފައި ކަމުގައިވެސް ފުލުހުންގެ އިދާރާއިން ވަނީ ހާމަކޮށްފައެވެ. އޭނާއަކީ ކާރު ދުއްވުމުގެ ލައިސަންސް އޮންނަ މީހެއް ނޫންކަމަށްވެސް ފުލުހުންގެ އިދާރާއިން ހާމަކުރައްވާފައިވެއެވެ.

ރޭ ހިނގި އެ އެކްސިޑެންޓާއި ގުޅިގެން ހުޅުމާލެ ހޮސްޕިޓަލުގައި ފަރުވާ ދެމުން ދަނިކޮށް، ސަމާޙް ވަނީ ނިޔާވެފައެވެ. ސަމާޙްގެ ޖަނާޒާ އޮންނާނީ މިއަދުގެ މަޣުރިބު ނަމާދަށް ފަހުގައި ހުޅުމާލެ ސަހަރާގައެވެ.