Advertisement

ލ. އިސްދޫ ބީޗް ހައުސް، ޙަސަން ސަމާޙް (23އ) --

06 Sep 2024
ޚަބަރު
ޢަލީ ސުލައިމާން

އެކްސިޑެންޓްގައި ނިޔާވި ޒުވާނާގެ ޖަނާޒާ މިރޭގެ މަޣުރިބު ނަމާދަށް ފަހު ހުޅުމާލެ ސަހަރާގައި

ރޭ ހުޅުމާލެ ސެންޓްރަލް ޕާކު ކައިރީގައި ހިނގި އެކްސިޑެންޓްގައި ނިޔާވި، ޒުވާނާގެ ޖަނާޒާ މިރޭގެ މަޤުރިބު ނަމާދަށް ފަހު ހުޅުމާލެ ސަހަރާގައި ބޭއްވުމަށް ހަމަޖައްސައިފިއެވެ.

ރޭ ހިނގި އެކްސިޑެންޓްގައި ނިޔާވީ، ލ. އިސްދޫ ބީޗް ހައުސް، ޙަސަން ސަމާޙް (23އ)އެވެ. އާއިލާ އިން ހާމަކޮށްފައިވާ ގޮތުގައި، ސަމާޙްގެ މައްޗަށް ކަށުނަމާދު ކުރުން އޮންނާނީ، މިއަދުގެ މަޣުބު ނަމާދަށް ފަހު، މަސްޖިދުއް ޒައިދުބިން ޘާބިތު، ހުޅުމާލެ ސަހަރާ މިސްކިތުގައެވެ. އަދި އޭނާގެ ހަށިގަނޑު ވަޅުލާނީ ހުޅުމާލެ ސަހަރާގައެވެ.

ސަމާޙް ނިޔާވީ ހުޅުމާލެ ސެންޓްރަލް ޕާކުގައި ރޭ ބޭއްވި މެރެތަންއެއްގައި ބައިވެރިވުމަށް އިތުރު މީހަކާއި އެކު ސައިކަލުގައި އެސަރަހަށްދަށް ދަނިކޮށް، އޭނާ ދުއްވި ސައިކަލުގައި، ބާރު ސްޕީޑުގައި ދުއްވާފައި އައި ސްޕޯޓް ކާރަކުން ޖެހުމާއި ގުޅިގެންނެވެ. ފުލުހުންގެ އިދާރާއިން ހާމަކުރައްވާފައިވާ ގޮތުގައި މިހާދިސާ ހިނގާފައި ވަނީ ރޭގެ 2:48 ގައެވެ. ސަމާޙް ނިޔާވީ އޭނާއަށް ލިބުނު ޒަޚަމްތަކަށް ހުޅުމާލެ ހޮސްޕިޓަލްގައި ފަރުވާދެމުން ދަނިކޮށެވެ.

އެކްސިޑެންޓް ހިނގި އިރު ސަމާހުގެ ފަހަތުގައި ސައިކަލުގައި އިން ޒުވާނާއަށް މާބޮޑު އަނިޔާއެއް ނުލިބި ސަލާމަތް ވިއެވެ. 

މިއެކްސިޑެންޓާއި ގުޅިގެން ކާރު ދުއްވި 26 އަހަރުގެ ފިރިހެން މީހާ ހައްޔަރުކޮށް މައްސަލަ ތަޙްޤީޤު ކުރަމުންދާ ކަމުގައި ފުލުހުންގެ އިދާރާއިން ވަނީ ވިދާޅުވެފައެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.