ތަނެއްގެ ބާރާ ނުފޫޒު އަބަދުވެސް އޮންނާނީ އެތަނެއްގެ މުއްސަނދިކަން ނުވަތަ ރިސޯސްތައް އެބައެއްގެ އަތުގައި އޮތް ބައެއްގެ އަތްމަތީގައި ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ، ދިވެހިރާއްޖޭގެ ޤައުމީ ދުވަހުގެ ރަސްމީ ޖަލްސާގައި، ދިވެހި ޤައުމާއި މުޚާޠަބުކުރައްވައި ދެއްކެވި ވާހަކަފުޅުގައެވެ.

ރައީސުލްޖުމްހޫރިއްޔާ ވިދާޅުވީ، ތަނެއްގެ ބާރާ ނުފޫޒު އަބަދުވެސް އޮންނާނީ އެތަނެއްގެ މުއްސަނދިކަން ނުވަތަ ރިސޯސްތައް އެބައެއްގެ އަތުގައި އޮތް ބަޔަކަ ކަމަށާއި، އެ ރިސޯސްތައް އަތްމައްޗަށް އަރާނީ މަސައްކަތްތެރިކަމާއި ހުނަރުވެރިކަމުގެ ތެރޭން ކަމަށެވެ. 

ތަނެއްގެ ބާރާ ނުފޫޒު އަބަދުވެސް އޮންނާނީ އެތަނެއްގެ މުއްސަނދިކަން ނުވަތަ ރިސޯސްތައް އެބައެއްގެ އަތުގައި އޮތް ބައެއްގެއަތުގައި ކަމަށް ރައީސުލްޖުމްހޫރިއްޔާ ވިދާޅުވި ނަމަވެސް އޭގެ ތަފްޞީލަކަށް ވަޑައެއް ނުގަންނަވައެވެ.

ރާއްޖޭގެ އިޤުތިޞާދީ އިޖުތިމާޢީ ހާލަތަށް ބަލާއިރު، ރާއްޖޭގައިވެސް ކަން އޮތީ އެމޭރުމުން ކަމަށް ވީނަމަވެސް، މިހާތަނަށް އެ މިންވަރަށްވެސް ދިވެހިރާއްޖޭގައި ވެރިކަން ކުރެއްވި އެހެންބޭފުޅަކު އެވާހަކަ ވިދާޅުވެފައެއް ނުވެއެވެ.

މީގެ އިތުރުން، ރައީސުލްޖުމްހޫރިއްޔާގެ ވާހަކަފުޅުގައި ވިދާޅުވީ، ދިވެހިރާއްޖެއަކީ، މިރާއްޖޭގައި މީހުން ވަޒަންވެރިވީ ދުވަސްވަރެއް ނޭނގޭ އެހާމެ ޤަދީމީ ރާއްޖެއެއް ކަމަށެވެ. އަދި މިޒަމާންވީ ދުވަސްތަކުން އަޅުގަނޑުމެންވަނީ، ފުން އާއިލީ ގުޅުމަކުން ގުޅި ލާމެހިފައި ކަމުގައިވެސް އެމަނިކުފާނު ވިދާޅުވިއެވެ. އަދި މިޤައުމުގެ ވެހީންގެ ގޮތުގައި އަޅުގަނޑުމެން ހޭދަކުރި ހަތަރުހާހެއްހައި އަހަރުގެ ތެރޭގައި އަމިއްލަ ބަހަކާއި، އަމިއްލަ އަކުރެއް އުފެދި، އެބަހަށް ވަނީ އެތައް މުއްސަނދިކަމެއް ލިބިފައި ކަމުގައި ރައީސުލްޖުމްހޫރިއްޔާ ވިދާޅުވިއެވެ.