ހުސްވި މަހުގެ 27 ވަނަ ދުވަހު ޑްރަގު ކޯޓުން ވައްކަންކުރި މީހަކު ހޯދައި ހައްޔަރުކޮށްފިއެވެ.

ފުލުހުންގެ އިދާރާއިން ވިދާޅުވީ، ޑްރަގުކޯޓުން ވައްކަންކުރިކަމުގެ ތުހުމަތުގައި ހައްޔަރުކޮށްފައި ވަނީ، ސ. ހިތަދޫ ދެކުލައަރާގޭ، މުހައްމަދު އަސްލަމް (32އ) ކަމަށެވެ. އޭނާ ހައްޔަރުކޮށްފައި ވަނީ ހުސްވި އޮގަސްޓަމަހުގެ 31 ވަނަ ދުވަހު، ކޯޓު އަމުރެއްގެ ދަށުންކަމުގައިވެސް ފުލުހުންގެ އިދާރާއިން ވިދާޅުވިއެވެ.

މިމައްސަލަ އާއި ގުޅިގެން އޭނާގެ ބަންދާއި މެދު ގޮތެއް ނިންމުމަށް ކްރިމިނަލްކޯޓަށް ހާޟިރުކުރުމުން އޭނާގެ ބަންދަށް ކޯޓުން 15 ދުވަސް ޖަހައިދީފައިވާ ކަމަށްވެސް ފުލުހުންގެ އިދާރާއިން ވިދާޅުވިއެވެ.

ފުލުހުންގެ އިދާރާއިން ވިދާޅުވީ، ވައްކަމުގެ މިމައްސަލަ އެއިދާރާއިން ތަޙްޤީޤުކުރަމުން ގެންދާ ކަމަށެވެ.