ސްޓޭޓް ޓްރޭޑިންގ އޯގަނައިޒޭޝަން (އެސްޓީއޯ) އިން އެ ކުންފުނީގެ ދެވަނަ ކުއާޓާގެ މާލީ ހިސާބުތައް ޖުލައި 30 ގައި އާންމު ކުރިއިރު, މިދިޔަ އަހަރުގެ ފުރަތަމަ 6 މަހާއި މި އަހަރުގެ އެ މުއްދަތާއި އަޅާކިޔާއިރު, މި އަހަރު ސާފުއިން 366 މިލިއަން ރުފިޔާގެ ކުރިއެރުމެއް ލިބިއްޖެއެވެ. އެގޮތުން މި އަހަރުގެ ޖޫން މަހުގެ ނިޔަލަށް ޓެކްސްއަށް ކެނޑުމަށޤފަހު ޖުމްލަ ފައިދާގެ ގޮތުގައި 671 މިލިއަން ރުފިޔާ ލިބިފައި ވެއެވެ.

ދެވަނަ ކުއާޓާއަށް ބަލާލާއިރު, ޖުމްލަ ފައިދާގެ ގޮތުގައި ލިބިފައިވަނީ 804 މިލިއަން ރުފިޔާއެވެ. މިއީ ފުރަތަމަ ކުއާޓާއާއި އަޅާ ބަލާއިރު 1 އިންސައްތައިގެ ދަށްވުމެކެވެ. އަދި ހިންގުމުގެ ފައިދާގެ ގޮތުގައި މި ކުއާޓާގައި ލިބިފައިވަނީ 428 މިލިއަން ރުފިޔާއެވެ. މިއީ ފުރަތަމަ ކުއާޓާއާއި އަޅާ ބަލާއިރު 15 އިންސައްތައިގެ ދަށްވުމެކެވެ.

މި ކުއާޓާގެ ފައިދާއަށް ބަލާލާއިރު, ޓެކްސްއަށް ކެނޑުމުގެ ކުރިން ސާފު ފައިދާއަކީ 373 މިލިއަން ރުފިޔާއެވެ. އަދި ޓެކްސްއަށް ކެނޑުމަށްފަހު 303 މިލިއަން ރުފިޔާ ލިބިފައިވެއެވެ. މިއީ ފުރަތަމަ ކުއާޓާއާއި އަޅާ ބަލާއިރު 18 އިންސައްތައިގެ ދަށްވުމެކެވެ.

އެސްޓީއޯއިން ހާމަ ކޮށްފައިވާ ގޮތުގައި, ދެވަނަ ކުއާޓާގެ އާމްދަނީ ދަށްވެފައިވަނީ ދުނިޔޭގެ ބާޒާރުގައި ތެލަށް އައި ބަދަލާއި ގުޅިގެން އެ ކުންފުނިން ވިއްކި ތެލުގެ އަގު ކުޑަ ކުރުމުންނެވެ.