Advertisement

ށ. މިލަންދޫ ހެޕީލޭންޑް، އާދަމް އަޠުހަރު (32އ) ---

02 Sep 2024
ޚަބަރު
ޢަލީ ސުލައިމާން

އަޠުހަރު މަރުވާން އުޅުނު ހާދިސާގެ ބައެއް މައުލޫމާތު ފުލުހުން ހާމަކޮށްފި

އަންހެނަކު ރަހީނުކޮށް، މަރާލާނެ ކަމުގެ އިންޒާރު ދެމުން ދަނިކޮށް ފުލުހުން ހައްޔަރު ކުރި، އަޠުހަރު ޖަލުގޮޅީގައި ބަންދުކޮށްފައި ހުއްޓައި އަމިއްލައަށް މަރުވާން މަސައްކަތްކުރީ، ސޯޓެއްގެ ނާޑުވާއެއް ބޭނުންކޮށްގެން ކަމުގައި ހޮސްޕިޓަލާއި ހަވާލާދީ ބައެއް މީހުން ބުނެފިއެވެ.

ޤާނޫނީ ވަކީލު ޙަމްޒާ ލަޠީފުވެސް ވަނީ، އެމައުލޫމާތާއި ގުޅިގެން ދޫނިދޫ ކަސްޓޯޑިއަލްއަށް، ނާޑުވާ ހުންނަ ތަކެތި ވެއްދެނީ ކީއްވެތޯ ސުވާލު އުފައްދަވާފައެވެ. އަދި ޖަލުގޮޅީގައި އަޠުހަރު ބަންދުކުރި އިރު، އޭނާގެ ޞިއްޙީ އަދި ނަފްސާނީ ޙާލަތަށް ބަލާފައިވޭތޯ އާއި، ޖަލު ގޮޅީގައި އޭނާ ހުރި އިރު މޮނީޓަރކުރަމުން ދިޔަ ގޮތާއި ގުޅޭ ގޮތުންވެސް ސުވާލުއުފައްދަވާފައިވެއެވެެ.

އަޠުހަރު އަމިއްލައަށް މަރުވާން މަސައްކަތް ކުރުމުގެ ސަބަބުން އޭނާއަށް އައިޖީއެމްއެޗްގެ އައިސީޔޫގައި މިހާރު ދަނީ ފަރުވާދެމުންނެވެ. ވެންޓިލޭޓަރުގައި އޭނާ އޮތް އިރު އޭނާގެ ހާލަތު ނާޒުކުކަމަށް ފުލުހުންވެސް ވަނީ ވިދާޅިވެފައެވެ.

އެހާދިސާ އާއި ގުޅޭ ގޮތުން ފުލުހުން އާއމުކުރި މައުލޫމާތުގައި ބުނެފައި ވަނީ، ށ. މިލަންދޫ ހެޕީލޭންޑް، އާދަމް އަޠުހަރު (32އ) ދޫނިދޫގައި އޭނާ ބަންދުކޮށްފައި ހުރި، ޖަލުގޮޅި ތެރޭގައި ދަންޖެހިފައި ހުއްޓައި ފެނުނީ، ރޭގެ 19:02 ގައި ކަމަށެެވެ. އަދިދޫނިދޫ ކުލިނިކްގައި އޭނާއަށް ފަރުވާ ދިނުމަށްފަހުގައި، ރޭ 19:25ގައި އައިޖީއެމް ހޮސްޕިޓަލަށް ގެނެސް ފަރުވާދޭން ފެށުނު ކަމުގައި ފުލުހުން ހާމަކުރައްވާފައި ވެއެވެ. އެހެން ނަމަވެސް އަޠުހަރު ފެނުނީ، ދަންޖެހުނުތާ ކިހާ އިރެއް ފަހުން ކަމެއް ފުލުހުން ހާމައެއް ނުކުރައްވައެވެ. 

އަޠުހަރު ޖަލުގައި ބަންދުކުރީ، އޭނާ އަންހެނަކު ހިފަހައްޓައި، ރަހީނުކޮށް އެމީހާ މަރާލާނެ ކަމުގެ އިންޒާރު ދެމުން ދަނިކޮށް ހައްޔަރުކުރުމަށް ފަހުގައި، ކޯޓު އަމުރެއްގެ ދަށުންނެވެ. އަންހެންމީހާ ސަލާމަތް ކުރަން، ފުލުން އަޠުހަރުގެ ބޮލަށް މުގުރަކުން ހަމަލާދިނުމުގެ ސަބަބުން، އޭނާއަށްވެސް އަނިޔާ ވިއެވެ. އަދި އެ ޒަޚަމަތްތަކަށް އޭނާއަށް އޭޑީކޭ ހޮސްޕިޓަލާއި އައިޖީއެމްއެޗްގައި ފަރުވާ ދިނެވެ، ޝަރީއަތް ނިމެންދެން އޭނާގެ ބަންދުކުރީވެސް އޭނާގެ ޣައިރު ހާޟިރުގައެވެ. އެހެންނަމަވެސް ބަންދުގެ މުއްދަތު އިތުރުކުރަން އަޠުހަރު ކޯޓަށް ނުގެންގޮސް، ޣައިރު ހާޟިރުގައި ބަންދުގެ މުއްދަތު ޖަހައިދިނުމަށް ފުލުހުން އެދުނީ ކޮންކަމަކާއި ގުޅިގެން ކަމެއް ފުލުހުން ހާމަކުރައްވާފައެއް ނުވެއެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.