Advertisement

ފުލުހުން އާއްމުކޮށްފައިވާ ފޮޓޯ --

29 Aug 2024
ޚަބަރު
ޢަލީ ސުލައިމާން

ޝާދިޔާ އާާއި ޑރ. ޝަޒްރާގެ ބަންދަށް 3 ދުވަސް ޖަހައިފި

އިޒްރާއީލުން ފަލަސްޠީނުގެ ރައްޔިތުންނާއި ދެކޮޅަށް ހިންގަމުންދާ ޤަޠުލު އާއްމާއި ދެކޮޅު ހެދުމުގެ ގޮތުން ރާއްޖޭގައި ހުންނަ ސަޢޫދީ ޢަރަބިއްޔާގެ އެމްބަސީ އާއި ސަޢޫދީ ސަފީރު ދިރިއުޅުއްވާ ގޭގެ ދޮށުގައި އިހުތިޖާޖު ކުރަމުންދާތީ ހައްޔަރުކުރި، ޝާދިޔާ އާއި ޑރ. ޝަޒްރާގެ ބަންދަށް ކްރިމިނަލްކޯޓުން 3 ދުވަސް ޖަހައިފިއެވެ.

ފުލުހުންގެ އިދާރާއިން ވިދާޅުވީ، މ. ބަޑިކުޅިމާގޭ އައިޝަތު ޝާދިއާ (47އ) އާއި ގދ. ރަތަފަންދޫ، ލިލީގޭ ޑރ. ޝަޒްރާ އިބްރާހީމް (36އ) ފުލުހުން ހައްޔަރުކޮށްފައި ވަނީ، ޞުލްހަވެރިކަމާއި އެކު އެއްވެ އުޅުމުގެ މިނިވަންކަމުގެ ޤާނޫނާއި ޚިލާފަށް، ޑިޕްލޮމެޓިކް މިޝަންތަކުގެ ކައިރިއަށް ތަކުރާރުކޮށް އެއްވެ، އަޑު ގަދަކުރާ ބޭނުންކޮށްގެން ހަޅޭއްލެވުމާއި، ބޭއަދަބީ ބަހުރުވައިން މުޢާމަލާތްކޮށް، އަދި ޑިޕްލޮމެޓިކް މިޝަންތަކުގެ މަސައްކަތަށް ހުރަސް އެޅޭ ގޮތަށް ޢަމަލުކުރުމުގެ އިތުރުން، ވަކި ސަފީރަކަށް އުނދަގޫ ކުރުމުގެ ޢަމަލުތަކެއް ހިންގަމުން ގެންދިއުމާއި ގުޅިގެންނާއި، ފުލުހުންގެ އަމުރަށް ނުކިޔަމަންތެރިވެ ފުލުހުން ދައުރު އަދާކުރުމަށް ހުރަސް އެޅުމާއި ގުޅިގެން ކަމަށެވެ. 

ފުލުހުންގެ އިދާރާއިން އެކަމާއި ގުޅޭ ގޮތުން ނެރެފައިވާ ބަޔާނުގައި ބުނެފައި ވަނީ، އެދެ އަންހެނުން ހައްޔަރުކޮށްފައި ވަނީ އެމީހުންނަށް ތަކުރާރުކޮށް ނަޞޭހަތްތެރިވުމަށް ފަހުގައިވެސް އެމީހުން ހިންގަމުން ގެންދިޔަ ޢަމަލުތައް ހުއްޓާނުލުމުން ކޯޓު އަމުރެއްގެ ދަށުން ކަމަށެވެ.

 ފަލަސްޠީނުގައި ހިންގަމުންދާ ޤަޠުލުއާއްމު ހުއްޓުވުމަށް ސަޢޫދީ ސަރުކާރުން އެކަށީގެންވާ ފިޔަވަޅެއް ނާޅައި، އަދި އިޒްރާއީލަށް އެހެން ޤައުމުތަކުން ފޮނުވާ ހަމަލާތައް ހުއްޓުވާލަމުންދާއިރު، ސަޢޫދީ ޢަރަބިއްޔާގެ އެމްބަސީ ކައިރީގައި، އެމީހުން ވަނީ، ގާޒާގައި ޝަހީދުވަމުންދާ ކުޑަކުދިންގެ ރަމްޒުކޮށްދިނުމަށް ކަފުންކޮށްފައިވާ ކުޑަކުއްޖެއްގެ ރަމްޒަކާއި، ބައެއް އެހެންތަކެތި ބަހައްޓާފައެވެ. އެކަން ރާއްޖޭގެ އިސްލާމިކް މިނިސްޓަރ ޑރ. މުޙައްމަދު ޝަހީމް ޢަލީ ސަޢީދު ސިފަކުރެއްވީ، ސަޢޫދީ ސަފީރު ދިރިއުޅުއްވާ ގޭގެ ދޮށަށް ކުނިއެޅުން ކަމުގައެވެ.

ކޮމެންޓް
އާދަމް
މުސްލިމުންނަށް ލިބެމުންދާ އަނިޔާއާއި ފަލަސްތީނުގައި ހިންގާ ގަތުލު ޢާއްމު ދެކޮޅު ހެދުމަކީ ޖިހާދެކެވެ. ޖިހާދު ކުރާމީހުން ޝަހީދު ކުރުމަށް މުނާފިގު ދައުލަތް ތަކުން ޢަމަލު ކުރުމަކީ އައު ކަމެއްނޫނެވެ.
29 Aug 2024
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.