Advertisement

26 Aug 2024
ލައިފްސްޓައިލް
މިފްތާޙް މުޙައްމަދު

މަސައްކަތު ގަޑި ނިމުމުން، އޮފީހުގެ ކޯލުތަކާއި މެސެޖުތަކަށް އަޅާނުލާ ހުރުމުގެ ހައްގު އޮސްޓްރޭލިޔާގެ މަސައްކަތްތެރިންނަށް ގާނޫނަކުން ފަހިކޮށްދީފި

މަސައްކަތު ގަޑި ނިމުމުން، އޮފީހުގެ ކޯލުތަކާއި މެސެޖުތަކާއި އަދި އީމެއިލްތަކަށް އަޅާނުލާ ހުރުމުގެ ހައްގު، އޮސްޓްރޭލިޔާގެ މަސައްކަތްތެރިންނަށް ގާނޫނަކުން ފަހިކޮށްދީފިއެވެ. މި ގާނޫނާއެކު، ނުރަސްމީ ގަޑީގައި ފޯނަށް ޖަވާބު ނުދިނުމަކުން މަސައްކަތްތެރިޔާއަށް އޮފީހުން ފިޔަވަޅެއް ނޭޅޭނެއެވެ.

ގިނަ ބަޔަކު ގަބޫލުކުރާ ގޮތުގައި ކޮވިޑު-19 އަށް ފަހު އޮފީހުގެ މަސައްކަތްތަކާއި އަމިއްލަ ދިރިއުޅުމާ ދެމެދު ދަމާފައިވާ ރޮނގު ފަނޑުވެގެން ދިޔައެވެ. އޭގެ ފަހުން، ބައެއް މީހުން ގެއަށް އަންނަނީ ލެޕްޓޮޕްގައި މަސައްކަތް ހިފައިގެންނެވެ. ނުވަތަ ގެއަށް އަންނަ ފަހުން ފޯނު މެދުވެރިކޮށް ކޮންމެވެސް މަސައްކަތެއްގެ ޒިންމާ އާދެއެވެ. އެހެންކަމުން، "ވޯކް ފްރޮމް ހޯމް" ވެގެން ދިޔައީ އަބަދު އޮފީހުގައި އެޅެން ޖެހުނު ކަމަކަށެވެ.

މި ބަދަލާއެކީ، މަސައްކަތާއި އަމިއްލަ ދިރިއުޅުމާ ބެލެންސްކުރަން ގިނަ މަސައްކަތްތަކެއް ކުރަން ޖެހުނެވެ. އަދި އޮސްޓްރޭލިއާގެ މަސައްކަތްތެރިންނަށް ހޯމަ ދުވަސް ވެގެން ދިޔައީ، މަސައްކަތާއި އަމިއްލަ ދިރިއުޅުމާ ދެމެދު އަލުން އަނބުރާ ފަލަ ރޮނގެއް ދަމާލެވުނު ދުވަހަކަށެވެ.

އެ ގާނޫނުގައި ބުނާ ގޮތުން، ވަޒީފާ ދޭ ފަރާތުން މަސައްކަތު ގަޑިން ބޭރުގައި ވަޒީފާ އަދާކުރާފަރާތް މޮނިޓަރ ކުރުމާއި، މަސައްކަތެއް ހަވާލު ކުރުމަށް ގުޅުމަކީ ގާނޫނާ ހިލާފު ކަމެކެވެ. ނަމަވެސް ބައެއް ހާލަތްތަކާ ގުޅިގެން މި ނޫން ގޮތަކަށް އަމަލު ކުރެވިދާނެ ކަމަށް ބުނެފައިވެއެވެ.

އޮސްޓްރޭލިއާއިން މަސައްކަތްތެރިންގެ ގާނޫނަށް މި ގެނެވުނު ބަދަލު ތައާރަފް ކުރުމުގެ ގޮތުން މި އަހަރުގެ ފެބުރުވަރީ މަހުގެ ތެރޭގައި އެ ގައުމުގެ ޕްރައިމް މިނިސްޓަރ އެންތޮނީ އަލްބަނީސް ބުނީ، މަސައްކަތުގެ އުޖޫރަ ކަނޑައަޅާފައިވަނީ 24 ގަޑިއިރަށް ނޫން ކަމަށާއި، އެހެންކަމުން 24 ގަޑިއިރު މަސައްކަތުގައި މަސްއޫލުވެ އުޅުމަކީ ވެސް ވާންޖެހޭނެ ގޮތް ނޫންކަމަށެވެ.

ގާނޫނުގައި ބުނާ ގޮތުން، މިކަމާ ހިލާފުވާން ކުންފުނިތައް ނުވަތަ މަސައްކަތް ހަވާލުކުރާ ފަރާތްތައް 93،900 އޮސްޓްރޭލިއާ ޑޮލަރު (63،805 އެމެރިކާ ޑޮލަރު) އިން ޖޫރިމަނާ ކުރެވިދާނެއެވެ.

އޮސްޓްރޭލިއާއަކީ މިފަދަ ގާނޫނެއް ވުޖޫދަށް ގެނައި ފުރަތަމަ ގައުމެއް ނޫނެވެ. ނުރަސްމީ ވަގުތު ތަކުގައި ނުވަތަ އޮފީސް ގަޑި ނިމޭ ފަހުން ކުރާ މެސެޖުތަކަށް ނުވަތަ ފޯނު ކޯލުތަކަށް ޖަވާބުދާރީ ނުވުމުން ފިޔަވަޅު އެޅުން މަނާކުރާ ގާނޫނަކަށް 2017 ވަނަ އަހަރުން ފެށިގެން ފްރާންސުން އަންނަނީ އަމަލު ކުރަމުންނެވެ. އަދި އޭގެ ފަހުން ޖަރުމަނީ، އިޓަލީ އަދި ކެނަޑާއިން ވެސް ވަނީ މިފަދަ ގާނޫނަކަށް އަމަލު ކުރަން ފަށާފައެވެ.

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.