Advertisement

ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ޑީ.ބީ.އެމްގެ އިސްވެރިންނާއި ބައްދަލުކުރެއްވުން --

26 Aug 2024
ޚަބަރު
ޢަލީ ސުލައިމާން

ރާއްޖޭގެ ޑިވެލޮޕްމެންޓް ބޭންކުގެ އިސް ދެބޭފުޅުންނާއި ރައީސުލްޖުމްހޫރިއްޔާ ބައްދަލުކުރައްވައިފި

ރައީސުލްޖުމްހޫރިއްޔާ ވެވަޑައިގެންފައިވާ ރިޔާސީ ވަޢުދުގެ ދަށުން، އުފެއްދެވި، "ޑިވެލޮޕްމަންޓް ބޭންކް އޮފް މޯލްޑިވްސް ލިމިޓެޑް"ގެ އެންމެ އިސް ދެ މަޤާމަށް އައްޔަނުކުރައްވާ ދެބޭފުޅުންނާއި ރައީސުލްޖުމްހޫރިއްޔާ، ޑރ، މުޙައްމަދު މުޢިއްޒު މިއަދު ބައްދަލު ކުރައްވައިފިއެވެ.

އެބޭންކުން ޗެއާޕަރސަންއަކީ، އަރޫނީ ގޫނެތިލެއްކެ އެވެ. އަދި ސީއިއޯއަކީ، ނޯއެލް ގްރެގަ ޕީޓާސަން ޖޯންސް އެވެ. މި ދެބޭފުޅުންނާއި ރައީސުލްޖުމްހޫރިއްޔާ މިއަދު ހެނދުނު ބައްދަލުކުރައްވާފައި ވަނީ ރައީސުލްޖުމްހޫރިއްޔާގެ އޮފީހުގައެވެ.

މިބައްދަލުވުމުގެ ކުރިން ރައީސުލްޖުމްހޫރިއްޔާގެ އޮފީހުން އާއްމު ކުރި ރައީސުލްޖުމްހޫރިއްޔާގެ ބަސްދީގަތުމުގައި އެމަނިކުފާނު ވިދާޅުވީ، މިފެށެނީ ވަރަށް ތާރީޚީ ކަމެއް ކަމަށެވެ. އަދި މިއީ ރާއްޖޭގެ އިޤުތިޞާދު ފުޅާކުރުމަށްޓަކައި، އިޤުތިޞާދު ސިންދަފާތުކޮށް ކުރިޔަށް ގެންދިޔުމަށްޓަކައި ސަރުކާރުން ކަނޑައަޅާފައިވާ، އަދި މިސަރުކާރުގެ މެނިފެސްޓޯގައިވެސް ހިމެނޭ އެންމެ މުޙިއްމު ވަޢުދުކަމުގައި ރައީސުލްޖުމްހޫރިއްޔާ ވިދާޅުވިއެވެ.

ބޭންކުގެ އިސް މަޤާމުތަަކަށް އައްޔަނުކުރައްވާ މިބޭފުޅުންނާއި ގުޅޭ ގޮތުން ރައީސުލްޖުމްހޫރިއްޔާ ވިދާޅުވީ، އެބޭފުޅުންނަކީ، ދުނިޔޭގެ ވަރަށް ގިނަ ތަންތަނުގައި މަސައްކަތް ކުރައްވާފައިވާ ތަޖުރިބާކާރު ބޭފުޅުންކަމަށެވެ.  

"އިރާދަ ކުރައްވިއްޔާ ކުރިޔަށް އޮތް ދުވަސްތަކަކީ، ޑިވެލޮޕްމެންޓް ބޭންކް އޮފް މޯލްޑިވްސް ރާއްޖޭގައި ޤާއިމް ކުރެވި، އެމަސައްކަތް ފަށައިގަނެވި، ރާއްޖޭގެ ޓުރިޒަމް އިންޑަސްޓްރީގައި ރިޒޯޓުތައް ހެދުމަށާއި، އަދި ރިނިއުބަލް އެނާޖީގެ ދާއިރާއިންނާއި އެކި ދާއިރާތަކުން ރާއްޖޭގައި އިންވެސްޓް ކުރާނޭ ފަރާތްތަކަށް، ހަބެއްގެ ގޮތުގައި އިރާދަކުރެއްވިއްޔާ މިބޭންކް ވެގެން ދާނެ. ރިއަލްއެސްޓޭޓާއި، ހައުސިން މާކެޓަށްވެސް އަދި އެހެން ދާއިރާތަކަށްވެސް."

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު --

"ޑިވެލޮޕްމަންޓް ބޭންކް އޮފް މޯލްޑިވްސް ލިމިޓެޑް"ގެ އެންމެ އިސް ދެ މަޤާމަށް އައްޔަނުކުރައްވާ ދެބޭފުޅުންނާއިއެކު ބޭއްވި، މި ބައްދަލުކުރެއްވުމުގައި، ޑިވެލޮޕްމަންޓް ބޭންކް އޮފް މޯލްޑިވްސް ލިމިޓެޑްގެ ޗެއަރޕަރސަން އަދި ސީއީއޯ އާއި ރައީސުލްޖުމްހޫރިއްޔާ ޑޮކްޓަރ މުޢިއްޒު ވަނީ ރާއްޖޭގެ އިޤްތިޞާދު އިތުރަށް ހަރުދަނާކޮށް، ސިންދަފާތު ކުރުމަށް ކުރެވިދާނެ ކަންކަމާ ބެހޭގޮތުން މަޝްވަރާކުރައްވާފައި ކަމުގައިވެސް ރައީސުލްޖުމްހޫރިއްޔާގެ އޮފީހުން ވިދާޅުވެފައިވެއެވެ.

ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، "ޑިވެލޮޕްމަންޓް ބޭންކް އޮފް މޯލްޑިވްސް ލިމިޓެޑް" ގެ ނަމުގައި ދިވެހި ސަރުކާރުގެ ސައްތައިންސައްތަ ހިއްސާ އެކުލެވިގެންވާ، ސަރުކާރުގެ ކުންފުންޏެއް އުފެއްދެވީ، 16 މޭ 2024ގައެވެ.

މި ކުންފުންޏަކީ ސަރުކާރުގެ ސިޔާސަތުތަކާ އެއްގޮތްވާ ގޮތުގެ މަތީން، ދެމެހެއްޓެނިވި އިޤްތިޞާދީ އަދި އިޖުތިމާޢީ ތަރައްޤީއަށް އިންވެސްޓުކުރުމާއި، ޢުމްރާނީ ތަރައްޤީއަށް ބޭނުންވާ ފައިސާ ހޯދުމާއި، ސިންޑިކޭޝަން ފައިނޭންސް މެދުވެރިކޮށް ޕީ.އެސް.އައި.ޕީ މަޝްރޫޢުތަކަށް ފައިސާ ފޯރުކޮށްދިނުމުގައި ދިމާވާ ގޮންޖެހުންތައް ޙައްލުކުރުމާއި، ދިވެހިރާއްޖޭގެ ބޭންކިންގ ނިޒާމުގައި ބޭރު ފައިސާ ބެހެއްޓުމުގެ ޝައުޤުވެރިކަން އިތުރުކުރުމުގެ ބޭނުމުގައި އުފެއްދެވި ކުންފުންޏެކެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.