Advertisement

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު --

26 Aug 2024
ޚަބަރު
ޢަލީ ސުލައިމާން

މަޖީދީއްޔާ ސްކޫލުގެ އާސާރީ ދެއިމާރާތް ޤައުމީ ތަޢުލީމީ ދާރުލް އާސާރަކަށް ހައްދަވާނެ ކަމުގައި ރައީސުލްޖުމްހޫރިއްޔާ ވިދާޅުވެއްޖެ

މަޖީދިއްޔާ ސްކޫލުގެ އާސާރީ އިމާރާތްތައް، ނެޝަނަލް އެޑިއުކޭޝަން މިއުޒިއަމެއްގެ ގޮތުގައި ތަރައްޤީ ކުރައްވާނެ ކަމުގައި ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ މިރޭ އޮތް މަޖީދިއްޔާ ސްކޫލުގެ "ސައްތަވީ ބިނާ" އިފުތިތާޙްކޮށްދެއްވުމުގެ ރަސްމިއްޔާތުގައި ވާހަކަފުޅު ދައްކަވަމުންނެވެ.

އެމަނިކުފާނުގެ ވާހަކަފުޅުގައި، މަޖީދިއްޔާ ސްކޫލުގައި ހުރި، ޤަރުނެއްވާން ގާތްވެފައިވާ ބިނާ، ދާރުލްޢުލޫމާއި، ބައިގަރުނަށް ވުރެ ގިނަ ދުވަސްވީ ކުރިބޯށި ޢިމާރާތަކީ، މަޖީދިއްޔާ ސްކޫލުގެ ދަރިވަރުންގެ ފަޚުރެއްކަން ވަނީ ފާހަގަކުރައްވާފައެވެ.

" އަޅުގަނޑުމެން މަޖީދިއްޔާގެ ކޮންމެ ދަރިވަރެއް، އިސް ދަރިވަރެއްގެ ފަޚުރު ކަމުގައިވާ "ދާރުލްޢުލޫމާއި ކުރިބޯށި"، އަޅުގަނޑުމެންގެ ޕްލޭނަކީ އިރާދަކުރެއްވިއްޔާ ނެޝަނަލް އެޑިޔުކޭޝަން މިއުޒިއަމެއް ގޮތުގައި އެތަން ތަރައްޤީ ކުރުން." 

ރައީސުލްޖުމްހޫރިއްޔާ ޑރ މުޙައްމަދު މުޢިއްޒު --

ރައީސް ވިދާޅުވީ، އެތަންތަން  ތަރައްޤީކުރައްވާނީ، މަޖީދިއްޔާ ސްކޫލާއި ރާއްޖޭގެ ތަޢުލީމީ ހަޔާތުގެ ތާރީޚު ދައްކައިދޭ މިއުޒިއަމެއްގެ ގޮތުގައި ކަމަށެވެ. އަދި އޭރުން އެތައް ޒަމާނަކަށް، ރައްކާތެރިކަމާއި، ރީތިކަމާއި، އާރޯކަމާ އެކީގައި، އިމާރާތް ދެމިހުރުމާ އެކީގައި، މަޖީދިއްޔާ ސްކޫލްގެ ވާހަކަ އާއި، ރާއްޖޭގެ ތަޢުލީމީ ވާހަކަ، އެ ތަނުން އެނގެން ހުންނާނެ ކަމުގައިވެސް ރައީސުލްޖުމްހޫރިއްޔާ ވިދާޅުވިއެވެ.

ރައީސުލްޖުމްހޫރިއްޔާގެ ވާހަކަފުޅުގައި، މަޖީދިއްޔާގައި އެމަނިކުފާނު ތަޢުލީމު ހާސިލްކުރެއްވި އިރު، އެސްކޫލުގެ ގޯތިތެރޭގައި ވަޅުލި ކެޕްސިއުލެއްގެ ވާހަކަ ފާހަގަކުރެއްވިއެވެ. އަދި އެ ގެއްލިގެން ގޮސްފައިވާކަންވެސް އެމަނިކުފާނު ވަނީ ފާހަގަކުރައްވާފައެވެ.

ރައީސުލްޖުމްހޫރިއްޔާގެ ވާހަކަފުޅުގައި، ކުރިން މަޖީދިއްޔާއިން ވަކިކޮށް ދަރުމަވަންތަ ސްކޫލަށް ދިން ބިމުގައި އަނެއްކާވެސް އަންނަ އަހަރު، މަޖީދިއްޔާއަށް 40 ކްލާސްރޫމުގެ އައު އިމާރާތެއް އަޅުއްވައިދެއްވާނޭ ކަމުގައި ވިދާޅުވިއެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.