މާލޭގައި އުޅޭ ބިދޭސީންނަށް، ކާބޯތަކެތި ތައްޔާރުކޮށް ޑެލިވަރީކޮށްދީ ހިންގަމުން އަންނަ ވިޔަފާރިއެއް ހުއްޓުވައި ބައެއް މީހުން އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.

މޯލްޑިވްސް އިމިގްރޭޝަނުން ވިދާޅުވީ، ކާބޯތަކެތީގެ ވިޔަފާރީގެ ޚިދުމަތް ދިނުމުގައި، ނަގަންޖެހޭ އެއްވެސް ހުއްދައެއް ނުނަގައި، އަދި އެއްވެސް ސާފުތާހިރުކަމެއް ނެތި، ޤަވާއިދާ ޚިލާފަށް ބިދޭސީން ކުރަމުން ދިޔަ މިވިޔަފާރި ހިންގާތަން ބަލައި ފާސްކޮށް، އެތަނުން  15 ބިދޭސީއަކު ވަނީ އިމިގްރޭޝަން ބެލުމުގެ ދަށަށް ގެންގޮސްފައިވާ ކަމަށެވެ.

އެތަނަކީ، ބިދޭސީންނަށް ބަތާއި ރިހަ ކައްކައިގެން، ޕްލާސްޓިކް ކޮތަޅުގައި ޑެލިވަރީ ކުރުމުގެ ޚިދުމަތް ދެމުން އައި ތަނެކެވެ. މިވިޔަފާރި ބިދޭސީން ޤަވާއިފާއި ޚިލާފަށް ހިންގަމުން ގެންގޮސްފައިވަނީ ހ. ބިއަންކާ ނަމަކަށް ކިޔާ ގޭގައެވެ.