އިލެކްޓްރިކް ވެހިކަލް ގެންގުޅުމަށް ބާރުއެޅުމުގެ ގޮތުން، އެފަދަ ވެހިކަލް ޗާޖު ކުރެވޭނެ ސްޓޭޝަނެއް ގާއިމް ކުރުމަށް ނިންމާފައިވާކަމަށް، އެ ކުންފުނީގެ މެނޭޖިންގ ޑިރެކްޓަރ އަލްފާޟިލް ހުސެއިން ފަހުމީ ވިދާޅުވެއްޖެއެވެ.

ސޯޝަލް މީޑީއާގައި ފަހުމީ ހިއްސާ ކުރެއްވި ޕޯސްޓެއްގައި ބުނެފައިވާގޮތުން، އެ ކުންފުނިން މިފަދަ ނިންމުމެއް ނިންމެވީ، ޤައުމަށާއި ދުނިޔެއަށް އަންނަ ކުރިއެރުންތަކާއިއެކު، ތިމާވެއްޓާއި ރައްޓެހި އުޅަނދުތަކަށް އޮންނަ ޑިމާންޑު ބޮޑުވެ، އެފަދަ އުޅަނދުތައް ގެންގުޅެން ބޭނުންވާ ފަރާތްތަކަށާއި، އަދި މިހާރުވެސް ގެންގުޅޭ ފަރާތްތަކަށް ލުއި ފަސޭހަތައް ހޯދައިދިނުމަށާއި، އިލެކްޓްރިކް ވެހިކަލް ގެންގުޅުމަށް ހިތްވަރުދިނުމުގެ ގޮތުންނެވެ.

މި ސްޓޭޝަން ގާއިމުކުރާނީ ސްޓެލްކޯގެ އިންވެގެން އޮންނަ ދޮންއަދަރާދަ މަގުގައި ކަމަށް ވެސް ފަހުމީ ވަނީ ފާހަގަކުރައްވާފައެވެ.

މި މަސައްކަތަށް މާލޭ ކައުންސިލުގެ އެއްބާރުލުން ލިބޭނެ ކަމަށާއި، އަވަސް މުސްތަގުބަލެއްގައި މި މަސައްކަތް ނިމި، ހަތަރު ފުރޮޅާއި ދެ ފުރޮޅުލީ އުޅަދުތަކަށް އެ ސްޓޭޝަންގެ ބޭނުން ކުރެވެން ފަށާނެކަމަށް ފަހުމީ ވިދާޅުވެފައިވެއެވެ.