ރައީސް މައުމޫން އިސްވެ ހުންނަވައި އުފެއްދެވި ތިންވަނަ ޕާޓީ، މޯލްޑިވްސް ރިފޯމްމޫވްމެންޓް އެމްއާރްއެމް އުވާލުމަށް އިލެކްޝަންސް ކޮމިޝަނުން ނިންމައިފިއެވެ.

އިލެކްޝަންސް ކޮމިޝަނުން ވިދާޅުވީ އެމްއާރްއެމް އުވާލުމަށް ކޮމިޝަނުން ނިންމީ، އެޕާޓީގައި ޤާނޫނުގައި ބުނެފައިވާ ޢަދަދަށް 3000 މެމްބަރުން ހަމަ ނުވާތީ ކަމުގައެވެ.

ޤާނޫނުގައި ބުނާ އަދަދަށް މެމްބަރުން ހަމަ ނުވެގެން އެންމެ ފުރަތަމަ އިލެކްޝަންސް ކޮމިޝަނުން އެޕާޓީ އުވާލުމަށް ނިންމީ 2023 ވަނަ އަހަރުގެ މެއި މަހުގައެވެ. އެފަހަރު އެޕާޓީ އުވާލަން ކޮމިޝަނުން ނިންމުމުން އެޕާޓީގެ އިސްފަރާތްތަކުން ވަނީ އެމައްސަލަ ކޯޓަށް ހުށައަޅާފައެވެ. ފުރަތަމަ އެޕާާޓީ އުވާލަން ނިންމި އިރު އެޕާޓީގައި އޭރު ތިބީ، 2،981 މެންބަރުންނެވެ. އަދި އޭރު އެޕާޓީން މެމްބަރޝިޕް ފޯމްތަކެއް ހުށައަޅާފައި އޮތުމާއިއެކު ކޯޓުން ނިންމީ އެމްއާރްއެމް އުފައި ނުލެވޭނެ ކަމަށެެވެ.

މިއަދު އަނެއްކާވެސް އެޕާޓީ އުވާލަން ނިންމި އިރު އެޕާޓީގައި ތިބީ، 2،234 މެންބަރުންނެވެ.

ސިޔާސީ ޕާޓީއެއްގެ ގޮތުގައި އެމްއާރްއެމް ރަޖިސްޓްރީކޮށް ދިނީ ނޮވެމްބަރު 20، 2019 ގައެވެ.