ދިވެހިރާއްޖޭގެ މިނިވަންކަމަށް 58 އަހަރު ވުމާއި ގުޅިގެން ބޭއްވި ފުޅަނދު ބުރުގައި ޖުމްލަ 8 ފުޅަނދެއް ފެނުނު އިރު، މޯލްޑިވްސް އެއަރޕޯޓްސް ކޮމްޕެނީ ލިމިޓެޑް (އެމް.އޭ.ސީ.އެލް. ) ގެ ފުޅަނދުން ފެނުނީ ހޮލީވުޑްގެ މަޝްހޫރު ސީކުއެލް ފިލްމް، ޓްރާންސްފޯމަރސް އެވެ.

އެމް.އޭ.ސީ.އެލް.  އިން ފާހަގަކޮށްފައިވާ ގޮތުގައި މި ފުޅަނދު ތައްޔާރު ކުރުމަށް ތިން މަސް ހޭދަވެފައި ވެއެވެ. އަދި އެ ކުންފުނީގެ 200 މުވައްޒަފުން އެކި ގޮތްގޮތުން މި ފުޅަނދު ތައްޔާރު ކުރުމުގައި ހަރަކާތްތެރިވެފައި ވެއެވެ.

އެމް.އޭ.ސީ.އެލް.  އިން ހާމަކޮށްފައިވާ ގޮތުގައި މި ފްލޯޓުން ދައްކުވައިދެނީ އެކުވެރިކަމާއި އެއްބައެއްވަންތަ ކަމެވެ. އަދި މި ފުޅަނދުގައި އެ ކުންފުނީގެ އެކި ސެކްޝަންތަކުގައި މަސައްކަތްކުރާ އެތައް ސަތޭކަ މުވައްޒަފުންނެއް ހަރަކާތްތެރިވެފައި ވެއެވެ.

ޓްރާންސްފޯމަރސްއަކީ ކުޑަކުދިންނާއި ޒުވާނުންގެ މެދުގައި މަޝްހޫރު ކެރެކްޓަރތަކެއް ފެނިގެންދާ ފިލްމެކެވެ. ޓްރާންސްފޯމަރސްގެ އެންމެ ފަހުގެ ސީރީސް ރިލީޒް ކޮށްފައިވަނީ މިދިޔަ ޖޫން މަހުއެވެ. އެއީ "ރައިޒް އޮފް ދަ ބީސްޓްސް" އެވެ.