އިސްލާހީ ދަތުރުގަ އަދާލަތު ޕާޓީއަކީ އެމްޑީޕީގެ އަދި ދިވެހިރައްޔިތުންގެ މުހިންމު ބައިވެރިއެއް ކަމުގައި އެމްޑީޕީގެ ޗެއާ ޕަރސަން ފައްޔާޒް އިސްމާޢީލް ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ، އަދާލަތު ޕާޓީގެ 19 ވަނަ އަހަރީދުވަހުގެ ހެޔޮއެދުމާއި ތަހުނިޔާ ޕާޓީގެ ރައީސް ޝައިޚް އިމްރާނަށާއި ޕާޓިގެ އިލްމުވެރިންނަށާއި އެންމެހާ މެންބަރުންނަށް ފޮނުއްވައި ކުރެއްވި ޕޯސްޓްގައެވެ.

ފައްޔާޒު ވިދާޅުވީ، ވޭތުވެދިޔަ މުއްދަތުގައި ޢަދާލަތު ޕާޓީއިން ސާބިތުކޮށްދިނީ ސިޔާސީ ޕާޓީތަކަށް ރާއްޖޭގެ ސިޔާސީ މައިދާނުގައި އޮތް މުހިންމުކަން ކަމަށާއި، އަދި ރާއްޖޭގައި މެދުނުކެނޑި ދެމިއޮތް ދެވަނަޔަށް އެންމެ ދޮށީ ސިޔާސީ ޕާޓީގެ ހައިސިއްޔަތުން އަދާލަތުގެ ތަޖުރިބާ ރާއްޖޭގެ ސިޔާސީ މަސްރަހަށް ނުހަނު މުހިންމުކަން ކަމަށެވެ. އަދި އިސްލާހީ ދަތުރުގަ އަދާލަތު ޕާޓީއަކީ އެމްޑީޕީގެ އަދި ދިވެހިރައްޔިތުންގެ މުހިންމު ބައިވެރިއެއްކަން ފާހަގަކުރައްވައި ފައްޔާޒު ވިދާޅުވީ، ވޭތުވެދިޔަ 10 ވަރަކަށް އަހަރުގެ އެމަނިކުފާނުގެ ތަޖުރިބާގައި ޢަދާލަތު ޕާޓީއަކީ ސިޔާސީ މަސައްކަތުގައި އިތުބާރުކުރެވޭ އަދި، ރައްޔިތުންގެ ލާބައާއި މަންފާއަށް ކުރެވުނު މަސައްކަތުގެ އިހްލާސްތެރި ބައިވެރިއެއް ކަމަށެވެ.

ޢަދާލަތު ޕާޓީއަކީ، 18 އޮގަސްޓް 2005 ގައެވެ. އެޕާޓީއަކީ، ރާއްޖޭގައި މިހާރު އޮތް ދެވަނައަށް އެންމެ ގިނަ ދުވަސްވީ ޕާޓީއެވެ.