ކޮޅުމަޑުލު ވޭމަންޑޫގައި ފުުލުުހުން މީހަކަށް އަނިޔާކުރިކަމަށް ބުނާ މައްސަލައެއް ބަލަން ފަށާފައިވާ ކަމުގައި ފުލުހުންގެ އިދާރާއިން ވިދާޅުވެއްޖެއެވެ.

ވޭމަންޑޫގައި ފުލުހުން އާއްމު މީހަކަށް އަނިޔާކުރިކަމަށް ބުނާ ވީޑިއޯއެއް ސޯޝަލްމީޑިއާގައި ދަނީ ދައުރުވަމުންނެވެ. ފުލުހުންގެ އިދާރާއިން ވިދާޅުވީ އެ ވީޑިއޯ އާއި ގުޅޅިގެން ބަލަންޖެހޭ ކަންކަން ބަލަމުން ގެންދާ ކަމަށެވެ.

އާއްމުވެފައިވާ ވީޑިއޯއިން ފެންނަ ގޮތުގައި، ވޭމަންޑޫ ޕޮލިސް ސްޓޭޝަން ދޮށުގައި، އެއްވި ޒުވާނުންތަކެއް ވަނީ، މީހަކު ހައްޔަރު ކުރުމުގައި އަމުރަށް ނުކިޔަމަންތެރިވި ކަމަށް ބުނެ އެމީހާގެ ގައިގައި ފުލުހުން ތަޅައިގަތްކަމަށް ބުނެ އަޑު އުފުލާފައެވެ. މިގޮތުން ހައްޔަރުކުރާ މީހުންނަށް އަނިޔާކުރާކަމަށް ބުނެ ވަކި ފުލުހަކަށް އެމީހުން ތުހުމަތުތައްވެސް ކޮށްފައިވެއެވެ.

ފުލުހުން މީހުން ހައްޔަރު ކުރުމުގައި ހާލަތާއި ނުބައްދަލު ބާރުގެ ބޭނުން ކުރުމާއި، މީހުންނަށް ޖިސްމާނީ އަނިޔާ ދިނުމުގެ މައްސަަލަތައް މީގެ ކުރިންވެސް ފެންމަތި ވެފައިވެއެވެ.