އިންޑިއަން އޯޝަން އައިލެންޑް ގޭމްސް (އައި.އޯ.އައި.ޖީ.) 2023 ގައި ދިވެހިރާއްޖެ ތަމްސީލު ކުރާ އަންހެން އަދި ފިރިހެން ވޮލީޓީމު، އެ މުބާރާތަށް ތައްޔާރުވުމަށް ކޭމްޕް ކުރުމުގެ ގޮތުން ބުރާސްފަތި ދުވަހު ތައިލެންޑަށް ފުރައިފިއެވެ.

މި ކޭމްޕާއި ގުޅިގެން ކުޅިވަރު މިނިސްޓަރ އޮނޮރަބަލް އަޙްމަދު މަޙްލޫފް ފާހަގަ ކުރެއްވި ގޮތުގައި، މި ފަހަރު ދިވެހިރާއްޖޭގެ ޓީމުތައް ނިކުންނަނީ 2019 ގައި ލިބުނު 15 މެޑަލަށް ވުރެން އިތުރަށް މެޑަލް ހޯދަން ކަމަށާއި، މިކަން ހާސިލް ކުރުމަށް ފާއިތުވެ ދިޔަ 4 އަހަރުގެ ތެރޭގައި ގިނަ މަސައްކަތްތަކެއް ކުރެވިފައިވެއެވެ. އަދި މިއީ ހަމައެކަނި މުބާރާތެއްގައި ބައިވެރިވެލުމުގެ މަޤްސަދުގައި ކުރާކަމެއް ނޫން ކަމަށާއި، ނަމަވެސް ވަކި ޓާގެޓެއްގައި ނަތީޖާ ނެރުމަށް ކުރާ މަސައްކަތެއް ކަމުގައެވެ.

"2019 ގައި ލިބުނު 15 މެޑަލްގެ ބަދަލުގައި، 2023 ގެ ގޭމްސްގައި އިތުރު މެޑަލްތަކެއް ހޯދުމުގެ އުންމީދުގައި ފާއިތުވި 4 އަހަރު ގިނަ މަސައްކަތްތަކެއް ވަނީ ކުރެވިފަ.

Advertisement

މިއަދު އަޅުގަނޑުމެން ބޭނުންވަނީ ހަމައެކަނި މުބާރާތެއްގައި ބައިވެރިވުމުގެ ބަދަލުގައި ޓާގެޓެއް އޮވެގެން މަސައްކަތްކޮށް ނަތީޖާ ނެރުމަށް.

إن شاء الله އެ ބަދަލު ފެންނާނެ."

2019 ވަނަ އަހަރު އައި.އޯ.އައި.ޖީ. ގައި ދިވެހިރާއްޖެ ތަމްސީލް ކުރި ޓީމުތަކުން ވަނީ ޖުމްލަ 15 މެޑަލް ހޯދާފައެވެ. އެއީ 4 ގޯލްޑް މެޑަލް އާއި 4 ރިހި މެޑަލް އާއި އަދި 7 ބްރޯންޒް މެޑަލް އެވެ.