މުހައްމަދު ޒާހިރު (އޯކޭ ޒާހިރު)އަކީ، ރާއްޖޭގައި ސިޔާސީ އިޞްލާޙީ މަސައްކަތުގައި ގިނަ ޤުރުބާނީތަކެއް ވެވަޑައިގެން އަދި ގިނަ ޚިދުމަތްތަކެއް ކޮށްދެއްވި ބޭފުޅެއް ކަމުގައި ކުރީގެ ރައީސް އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ، މުހައްމަދު ޒާހިރު (އޯކޭ ޒާހިރު) ނިޔާވުމާއި ގުޅިގެން އެމަނިކުފާނު ފޮނުއްވި ތަޢުޒިޔާގެ މެސެޖުގައެވެ.

ސްރީ ލަންކާގައި ދިރިއުޅުއްވަމުންގެންދެވި ޒާހިރު ނިޔާވީ، ރޭ ފަތިހު 4:30 ހާއިރު ކޮލަމްބޯގައި ހުންނަ އާސިރީ ހޮސްޕިޓަލްގައެވެ. އަވަހާރަވިއިރު އުމުރުފުޅަކީ، 76 އަހަރެވެ. ޒާހިރުގެ މައްޗަށް ކުރެވޭ ކަށުނަމާދު އޮންނާނީ މިރޭގެ އިޝާ ނަމާދަށްފަހު، ސްރީލަންކާގެ ޖާވަތާ ޖުންމަ މަސްޖިދުގައެވެ.

ޒާހިރަކީ، އެމްޑީޕީގެ އިސް ސަފުގައި މަސައްކަތް ކުރެއްވުމުގެ އިތުރުން އެމްޑީޕީގެ ފުރަތަމަ ވެރިކަމުގައި، ބައެއް މަޤާމުތައްވެސް ފުރުއްވާފައިވާ ބޭފުޅެކެވެ.