ބަނގުރާ ކައްކައި އަދި މަސްތުވާތަކެތީގެ ވިޔަފާރިކުރަމުން ދިޔަ ދިވެހި ދެ ފިރިހެނުން ހައްޔަރުކޮށްފިއެވެ.

ފުުލުހުންގެ އިދާރާއިން ވިދާޅުވީ، ހައްދުންމަތީގަން ތުނޑީ އަވަށު، ވިލާ ގޭގައި މަސްތުވާތަކެތި ގެންގުޅެ އޭގެ ވިޔަފާރި ކުރަމުން ގެންދާކަމުގައި ފުލުހުންނަށް ލިބުނު މައުލޫމާތަކާއި ގުޅިގެން، އިއްޔެ ކޯޓު އަމުރެއްގެ ދަށުން އެގެ ބަލައި ފާސްކޮށްފައި ވާކަމަށެވެ.

ފުލުހުންގެ އިދާރާއިން ވިދާޅުވީ، އެގެއިން 24.42 ގްރާމްގެ ހެރޮއިންކަމަށް ޝައްކުކުރެވޭ މަސްތުވާ އެއްޗަކާއި، ބަނގުރާ އުފެެއްދުމަށް ކައްކާފައި ބޮނގަރު، 5 ލީޓަރުގެ ފުޅިއަކަށާއި، ދެ ރުނބާއަށް އަޅާފައި ހުއްޓައި ފެނިފައިވާ ކަމަށެވެ. ފުލުހުންގެ އިދާރާއިން ވިދާޅުވީ، މިމައްސަލަ އާއި ގުޅިގެން ހައްޔަރުކޮށްފައި ވަނީ އުމުރުން 42 އަހަރުގެ ފިރިހެނަކާއި، އުމުރުން 47 އަހަރުގެ ފިރިހެނެއް ކަމަށެވެ.

ފުލުހުންގެ އިދާރާއިން ވިދާޅުވީ މައްސަލަ ތަޙްޤީޤު ކުރަމުން ގެންދާ ކަމަށެވެ.