Advertisement

މުޒާހަރާގައި ބެނާތަކާއެކު ޑޮކްޓަރުން އަޑުއުފުލަނީ، ފޮޓޯ: އިދުރީސް މުޙައްމަދު / ވީއެފްޕީ

15 Aug 2024
ދުނިޔެ
މިފްތާޙް މުޙައްމަދު

ޑޮކްޓަރަކު ރޭޕްކޮށް މަރާލުމާ ގުޅިގެން އިންޑިއާގެ ކޮލްކަޓާގައި މުޒާހަރާތައް ކުރިޔަށް

އިންޑިއާގެ ކޮލްކަޓާގައި ހުންނަ ހޮސްޕިޓަލެއްގައި މަސައްކަތް ކުރަމުންދިޔަ އަންހެން ޑޮކްޓަރަކު ޑިއުޓީގައި ހުއްޓާ ރޭޕްކޮށް، އޭނާ މަރާލުމާ ގުޅިގެން ޑޮކްޓަރުންނާއި އެކްޓިވިސްޓުން ފެށި މުޒާހަރާ ވަނީ ބުދަ ދުވަހު ވެސް ކުރިޔަށް ގެންގޮސްފައެވެ. މެޑިސިން ކިޔަވާ ކުދިންނަށް މަސައްކަތު ތަޖުރިބާ ދިނުމަށް ހާއްސަ މި ހޮސްޕިޓަލުގައި މި ހާދިސާ ހިނގާފައިވަނީ އޯގަސްޓު 9 ވީ ހުކުރު ދުވަހުގެ ރެއެވެ.

ޖުމްލަ ގޮތެއްގައި މި މުޒާހަރާތައް ކުރިޔަށް ގެންދަނީ އަމާންކޮށެވެ. ނަމަވެސް ފިރިހެނުންގެ ކުޑަ ގްރޫޕެއް ވަނީ، އެ ހޮސްޕިޓަލުގައި މަސައްކަތްކުރާ ދަރިވަރުން ނިސްބަތްވާ އާރުޖީ ކާރ މެޑިކަލް ކޮލެޖަށް ވަދެ އެތަން ލޫޓުވާ، ތަނުގެ ބައެއް ތަކެއްޗަށް ގެއްލުންދީފައެވެ.

އުމުރުން 31 އަހަރުގެ ޑޮކްޓަރުގެ މަރުވެފައި އޮތް ހަށިގަނޑު ފެނިފައިވަނީ ހޮސްޕިޓަލުގެ ތެރެއިން، ގިނަ އަނިޔާތަކާއެކުގައެވެ.

މަރުވި ޑޮކްޓަރުގެ އާއިލާއަށް ހޮސްޕިޓަލުގެ ފަރާތުން ފުރަތަމަ އަންގާފައިވަނީ، އޭނާ މަރުވީ އަމިއްލައަށް ކަމަށެވެ. ނަމަވެސް، އަންހެނުންގެ ހައްގުތަކަށް ވަކާލާތުކުރާ އަދި ލޯޔަރ، ރިންދާ ގްރޯވަރ އަލް ޖަޒީރާއަށް ދީފައިވާ އިންޓަވިއުގައި ބުނީ، ޑޮކްޓަރުގެ އޮޓޮޕްސީ ރިޕޯޓުން ދައްކާ ގޮތުން، އޭނާ ވަނީ ރޭޕް ކުރުމަށްފަހު މަރާލާފައެވެ.

އިންޑިއާގެ ނޫސްތަކުން ބުނެފައިވާ ގޮތުގައި، މި މައްސަލައިގައި ތުހުމަތު ކުރެވެނީ ސަންޖޯއީ ރޯއީ ކިޔާ މީހަކަށެވެ. އޭނާއަކީ މި ހާދިސާ ހިނގާފައިވާ ހޮސްޕިޓަލަށް އާންމުކޮށް ޒިޔާރަތްކޮށް އުޅޭ ސިވިކް ވޮލެންޓިއަރެކެވެ. ހޮސްޕިޓަލުގެ ވޯޑަށް ވަނުމުގެ ހުއްދަ އޭނާއަށް ދީފައިވާއިރު، ޕޮލިހުން ވާނީ އޭނާއާ ދެކޮޅަށް ހެކި ހޯދާފައިކަމަށް ވެސް ރިޕޯޓުތައް ބުނެއެވެ.

ހޯމަ ދުވަހުގެ ފެށި މި މުޒާހަރާގައި ޑޮކްޓަރުންގެ ޖަމްއިއްޔާއެއް ކަމުގައިވާ، ފެޑެރޭޝަން އޮފް ރެސިޑެންޓް ޑޮކްޓަރސް އެސޯސިއޭޝަން (ފޯރޑާ) އިން ވަނީ ހޮސްޕިޓަލުތަކުން ދެމުން އަންނަ އިލެކްޓިވް ހިދުމަތްތައް ހުއްޓާލުމަށް ގޮވާލާފައެވެ. އިލެކްޓިވް ހިދުމަތްތަކަކީ ފަސްކުރެވިދާނެ ނުވަތަ މެޑިކަލީ އެހާ މުހިންމު ނޫން ފަރުވާތަކެވެ.

މި މައްސަލައާ ގުޅިގެން، އެތައް ހާސް ޑޮކްޓަރުންނެއް މަގުމައްޗަށް ނިކުމެ ހޯމަ ދުވަހު ގޮވާލާފައިވަނީ، ޑޮކްޓަރުންނަށް ރައްކާތެރިކަން ދިނުމަށާއި، މަރާލެވުނު ޑޮކްޓަރަށް އިންސާފު ހޯދައިދިނުމަށެވެ. އަދި އެއަށްފަހު އަންގާރަ ދުވަހު ކޮލްކަޓާގެ ހައިކޯޓުން ވަނީ އެ މައްސަލަ ތަހުގީގު ކުރުމަށް ސެންޓްރަލް ބިއުރޯ އޮފް އިންވެސްޓިގޭޝަން (ސީބީއައި) އަށް ފޮނުވާފައެވެ.

ޖިންސީ ގޮތުން ދެވޭ އަނިޔާތަކުގެ މައްސަލަތަކަކީ އިންޑިއާގައި ބޮޑު މައްސަލައެކެވެ. އެގޮތުން 2022 ވަނަ އަހަރު އެކަނިވެސް، އެވަރެޖްކޮށް ދުވާލަކަށް 90 ރޭޕް ކޭސް ވަނީ ޕޮލިހަށް ހުށަހަޅާފައެވެ.

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.