Advertisement

14 Aug 2024
ދުނިޔެ
މިފްތާޙް މުޙައްމަދު

އެމެރިކާއިން އިތުރު ވިހި ބިލިއަން ޑޮލަރުގެ ހަތިޔާރު އިޒްރޭލަށް ފޮނުވަން ނިންމައިފި

އާދަކޮށް ހަނގުރާމައިގެ އުސޫލުތަކާ ޚިލާފަށް އިޒްރޭލުން ފަލަސްތީނުގައި ހިންގަމުންދާ ގަތުލްއާންމަށް އެހީތެރިވުމުގެ ގޮތުން، އެމެރިކާއިން އިތުރު 20 ބިލިއަން ޑޮލަރުގެ ހަތިޔާރު އެ ގައުމަށް ފޮނުވުމަށް ނިންމައިފިއެވެ.

އެމެރިކާގެ ސްޓޭޓް ޑިޕާޓްމަންޓުން ހާމަކޮށްފައިވާ ގޮތުގައި، އެ ގައުމުގެ ސެކްރެޓަރީ އޮފް ސްޓޭޓް، އެންޓޮނީ ބްލިންކެން މި ނިންމުން ނިންމެވީ އަންގާރަ ދުވަހުއެވެ. އަދި އެމެރިކާއިން އިޒްރޭލަށް ފޮނުވުމަށް އެއްބަސްވެފައިވާ ހަތިޔާރުތަކުގެ ތެރޭގައި، ފައިޓަރ ޖެޓާއި މިސައިލް ވެސް ހިމެނޭކަމަށް ސްޓޭޓް ޑިޕާޓްމެންޓުން ވަނީ ހާމަކޮށްފައެވެ.

މި ހަތިޔާރުތައް އިޒްރޭލަށް ފޮނުވުމަށް ނިންމި ސަބަބެއް ކަމަށް އެމެރިކާއިން ބުނެފައިވަނީ، އެމެރިކާއަކީ އިޒްރޭލުގެ ސަލާމަތާއި ރައްކާތެރިކަމަށް މަސައްކަތް ކުރަމުންދާ ގައުމެއް ކަމަށްވުމާއި، އިޒްރޭލުގެ ދިފާއީ ބާރު ވަރުގަދަ ކުރުމަށް ކަމަށެވެ.

ނަމަވެސް ބެލެވޭ ގޮތުގައި، މިއީ ހަމާސްގެ އިސް ލީޑަރެއް ކަމުގައިވާ އިސްމާއިލް ހަނިއްޔާ އަވަހާރަކޮށްލުމާ ގުޅިގެން، ހިޒްބުﷲ އިން ދީފާނެ ހަމަލާއަކަށް ތައްޔާރުވުމުގެ ގޮތުން އެމެރިކާގެ އެހީތެރިކަމާއެކު އިޒްރޭލުން ވަމުން އަންނަ ތައްޔާރިއެކެވެ.

އިޒްރޭލުން ފަލަސްތީނަށް ދިން ހަމަލާތަކުގައި ގިނަ އަދަދެއްގެ އަންހެނުންނާއި ކުޑަކުދިން ހިމެނޭހެން 40،000 އެއްހާ މީހުން ޝަހީދުކޮށްލާފައިވަނިކޮށް، އެމެރިކާގެ ރައީސް ޖޯބައިޑެން އަންގާރަ ދުވަހު ބުނީ، އިސްމާއިލް ހަނިއްޔާ އަވަހާރަކޮށްލުމާ ގުޅިގެން އިރާނުން ހިފާފާނެ ބަދަލަކުން ރައްކާތެރިވެވޭނީ ހަނގުރާމަ ހުއްޓާލައިގެން ކަމަށެވެ. އެހެންކަމުން، ފާޅުކަން ބޮޑުގޮތެއްގައި މި ގަތުލުއާންމު ހިންގުމަށް އެހީތެރިވަމުން ގެންދަމުން، ހަނގުރާމަ ހުއްޓާލުމަށް ވެސް ގޮވާލާތީ، ގިނަ ބަޔަކު އަންނަނީ އަބަދު ވެސް ބައިޑަންގެ ސަރުކާރަށް ފާޑު ކިޔަމުންނެވެ.

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.