Advertisement

އިންޑިއާގެ ފޮރިން މިނިސްޓަރު ރާއްޖެއަށްވަޑައިގެންނެވުން ---

09 Aug 2024
ޚަބަރު
ޢަލީ ސުލައިމާން

އިންޑިއާގެ އެހީގައި އަތޮޅުތަކުގައި ކުރިޔަށް ގެންދިޔަ 6 މަޝްރޫއެއްގެ ނިމުން ފޮރިން މިނިސްޓްރީގައި ފާހަގަކޮށްފި

އިންޑިއާގެ އެގްޒިމް ބޭންކުގެ ލައިން އޮފް ކްރެޑިޓްގެ ދަށުން އަތޮޅު ތެރޭގައި ކުރިޔަށް ގެންދިޔަ 6 މަޝްރޫއެއްގެ ނިމުން، މާލޭގައި ފޮރިން މިނިސްޓްރީގައި މިރޭ ފާހަގަކޮށްފިއެވެ.

މި މަޝްރޫޢުތަކަކީ،  އުނގޫފާރު ރީޖަނަލް ހޮސްޕިޓަލުގައި މެންޓަލް ހެލްތު ޔުނިޓެއް ޤާއިމް ކުރުމުގެ މަޝްރޫޢާއި، ކުޅުދުއްފުށި ރީޖަނަލް ހޮސްޕިޓަލުގައި ޗައިލްޑް ޑިވެލޮޕްމަންޓް ސެންޓަރެއް ޤާއިމް ކުރުމުގެ މަޝްރޫއާއި،  ހއ. އަތޮޅު ތައުލީމީ މަރުކަޒާއި، ތިނަދޫ ސިޓީ އަބޫބަކުރު ސްކޫލާއި،  ލ. އިހައްދޫ ސްކޫލްގައި އިންކްލޫސިވް އެޑިއުކޭޝަން ސަޕޯޓް ޔުނިޓެއް ޤާއިމްކުރުމުގެ ތިން މަޝްރޫޢާއި، ތ. ތިމަރަފުއްޓާއި، ތ. ވޭމަންޑޫ އަދި ގއ. ކޮނޑޭ މަގުބައްތި ހަރުކުރުމުގެ މަޝްރޫއެވެ. މިމަޝްރޫއުތަކުގެ ނިމުން ފާހަގަކުރުމަށް ފޮރިން މިނިސްޓްރީގައި ބޭއްވި ބައްދަލުވުމުގައި އެރަށްތަށުގެ ކައުންސިލްތަކާއި، ހޮސްޕިޓަލްތައް އަދި ސްކޫލުތަކުގެ ބޭފުޅުން އޮންލައިންކޮށް ބައިވެރިވެވަޑައިގެންނެވިއެވެ.

އިންޑިއާގެ އެގްޒިމް ބޭންކުގެ ލައިން އޮފް ކްރެޑިޓްގެ ދަށުން އަތޮޅު ތެރޭގައި ކުރިޔަށް ގެންދިޔަ މި މަޝްރޫޢުތަކުގެ ނިމުން ފާހަގަކުރުމަށް ބޭއްވި ރަސްމިއްޔާޓުގައި އިންޑިއާގެ އެކްސްޓަރނަލް އެފެއާޒް މިނިސްޓަރު ޑރ. ސުބްރަމާނިއަމް ޖަޔަޝަންކަރާއި ރާއްޖޭގެ ފޮރިން މިނިސްޓަރ މޫސާ ޒަމީރު ބައިވެރިވެވަޑައިގެންނެވިއެވެ.

އިންޑިއާގެ އެގްޒިމް ބޭންކުގެ ލައިން އޮފް ކްރެޑިޓްގެ ދަށުން އަތޮޅު ތެރޭގައި ކުރިޔަށް ގެންދިޔަ މި މަޝްރޫޢުތަކަކީ، ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ ސަރުކާރުގައި ފަށާފައިވާ މަޝްރޫޢުތަކެކެވެ.

މިރަސްމިއްޔާތުގައި ވަނީ، ދިވެހިރާއްޖެއާއި އިންޑިއާ އާއި ދެމެދު އިތުރު އެމްއޯޔޫތަކެއްގައިވެސް ސޮއެކޮށްފައެވެ. 

އިންޑިއާގެ އެކްސްޓަރނަލް އެފެއާޒް މިނިސްޓަރު ޑރ. ސުބްރަމާނިއަމް ޖަޔަޝަންކަރު ރަސްމީ ދަތުރުފުޅެއްގައި މިއަދު ރާއްޖެ ވަޑައިގެންނެވި އިރު، އެމަނިކުފާނު ރާއްޖެއިން ފުރާވަޑައިގަންނަވާނީ އާދީއްތަ ދުވަހުގައެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.