މާލެއަށް ބޭސްފަރުވާއަށް އައިސް ހުރި އުމުރުން ދުވަސްވީ މީހަކު ކުއްޔަށް ހުރި ކޮޓަރިއަށް ވަދެ، މާރާމާރީ ހިންގުމަށްފަހު އޭނާގެ އަތުން ފޭރިއްޖެއެވެ.

މި މައްސަލަ އާ ގުޅިގެން ފުލުހުން ހާމަކޮށްފައިވާ ގޮތުގައި، ބޭސްފަރުވާއަށް މާލެއަށް އައިސްއުޅެނު ޢުމުރުން 62 އަހަރުގެ ދިވެހި ފިރިހެނަކު ކުށްޔަށް ހުރި ކޮޓަރިއަށްވަދެ އަނިޔާކޮށް ބިރުދައްކާ ފޭރިގެންފައިވާކަމަށް ރިޕޯޓުކޮށްފައިވަނީ އަންގާރަ ދުވަހުއެވެ. އަދި މާރާމާރީ ހިންގައި އޭނާގެ ފޯނާއި ފައިސާ ފޭރުނުކަމަށް ވެސް ފުލުހުން ހާމަކޮށްފައިވެއެވެ.

މި މައްސަލަ މިހާރު ތަހުގީގު ކުރަން ފަށާފައިވާއިރު، މި މައްސަލައާ ގުޅިގެން އަދި އެއްވެސް މީހަކު ހައްޔަރުކޮށްފައެއް ނުވެއެވެ.

މީގެ އިތުރުން އަންގާރަ ދުވަހު އެޕާޓްމެންޓަކަށް ވަދެ  26،690ރ. ފޭރިގަތް މައްސަލައެއް ވެސް ފުލުހުންނަށް ހުށަހެޅުނެވެ. އަދި ފޭރުނު މީހާ ވަނީ އެ ދުވަހު ހައްޔަރުކޮށް، ފޭރުނު ފައިސާ ވެސް ވަނީ އޭގެ ވެރިފަރާތާ އެ ދުވަހު ހަވާލުކޮށްފައެވެ.