ހދ. ހަނިމާދޫ އެއާޕޯޓުގައި ހިނގި މާރާމާރީ އާއި ގުޅިގެން ހައްޔަރުކުރި މީހާގެ ބަންދަށް 15 ދުވަސް ޖަހައިފިއެވެ.

ފުލުހުންގެ އިދާރާއިން ވިދާޅުވީ މިއޮގަސްޓްމަހުގެ 2 ވަނަ ދުވަހު ހަނިމާދޫ އެއާޕޯޓުގައި މަސައްކަތް ކުރާ ބިދޭސީ ދެ މުވައްޒަފެއްގެ މެދުގައި ހިނގި މާރާާމާރީ އާއި ގުޅިގެން އެކަކު ހައްޔަރުކޮށްފައިވާ ކަމަށާއި، އޭނާގެ ބަންދާއި މެދު ގޮތެއް ނިންމުމަށް ހަނިމާދޫ މެޖިސްޓްރޭޓް ކޯޓަށް ހާޟިރުކުރުމުން އޭނާގެ ބަންދަށް 15 ދުވަސް ޖަހައިދީފައިވާ ކަމަށެވެ.

މި މާރާމާރީގައި އަނިޔާ ލިބުނު ބިދޭސީ އަނެއް މީހާއަށް، ހަނިމާދޫ ޞިއްޙީ މަރުކަޒުގައި އެޑްމިޓްކޮށް ވަނީ ފަރުވާދީފައެވެ.

ފުުލުހުންގެ އިދާރާއިން ވިދާޅުވީ މިމާރާމާރީގެ މައްސަލަ ފުލުހުން ތަޙްޤީޤު ކުރަމުންގެންދާ ކަމަށެވެ.