ރޯގާއަށް ކުޑަކުދިންނަށް ދެމުން އަންނަ ރާއްޖޭގައި ވަަރަށް އާއްމު ބޭހެއް ކަމުގައިވާ އަލެގްރާ ސަސްޕެންޝަން، އެމްއެފްޑީއޭއިން މަނާކޮށްފިއެވެ.

މޯލްޑިވްސް ފުޑް އެންޑް ޑްރަގް އޮތޯރިޓީން ވިދާޅުވީ، އަލެގްރާ 30މިލިގްރާމްގެ 5 އެމްއެލް ފުޅީގެ ތިން ބެޗަކުން، ކޮލިޓީގެ މައްސަލަތަކެއް ފާހަގަވެފައިވާ ކަމަށެވެ. އެހެންވެ އެބެޗްތަކުގެ ބޭސް ރާއްޖޭގައި ބޭނުންކުރުމާއި ވިއްކުން މަނާކޮށްފައިވާ ކަމުގައި އެމްއެފްޑީއޭއިން ވަނީ ވިދާޅުވެފައެވެ.

މަނާކޮށްފައި ވަނީ، AL1223019, AL1223029  AL1223060 މި ތިން ބެޗުގައި އުފައްދާފައިވާ ބޭހެވެ. މިބެހަކީ އިންޑިއާގެ ކުންފުުންޏެއް ކަމުގައިވާ ސަނޯފީ އިންޑިއާ ލިމިޓެޑްއިން އުފައްދަމުން އަންނަ ބޭހެކެވެ.

އެމްއެފްޑީއޭއިން ވަނީ މިބެޗުތަކުގެ ފުޅިތައް، ފާމަސީތަކާއި، ބޭސްގުދަން ނުވަތަ ޞިއްޙީ ޚިދުމަތްދޭ ތަނެއްގައި ހުރިނަމަ އެކަން އެ އޮތޯރިޓީއަށް އެންގުމަށް އެދިވަޑައިގެންފައެވެ.