Advertisement

ކުރީގެ ކޮމިޝަނަރ ޖެނެރަލް އޮފް ކަސްޓަމްސް ޔޫސުފް މާނިއު

25 Jul 2024
ޚަބަރު
މިފްތާޙް މުޙައްމަދު

އަޅުގަނޑު މަގާމުން ބަދަލުކުރީ އެއްވެސް އެންގުމެއް އަދި އިޝާރާތެއް ވެސް ނެތި: މާނިއު

ކޮމިޝަނާރ ޖެނެރަލް އޮފް ކަސްޓަމްސްގެ މަގާމުގައި ހުންނަވަނިކޮށް އެބޭފުޅާގެ މަގާމު ސްޓޭޓް މިނިސްޓަރަކަށް ބަދަލު ކުރެއްވީ އެއްވެސް އެންގުމަކާއި ނުލައި ކަމަށް، އެ މަގާމުގައި ކުރިން ހުންނެވި ޔޫސުފް މާނިއު މިއަދު ވިދާޅުވެއްޖެއެވެ. މާނިއު މިހެން ވިދާޅުވީ، އެ މަނިކުފާނު ބުދަ ދުވަހު ސްޓޭޓް މިނިސްޓަރުކަމުން އިސްތިއުފާ ދިނުމާ ގުޅިގެން "އަދަދު" އިން ކުރި ސުވާލަކަށް ޖަވާބު ދެއްވަމުންނެވެ.

މާނިއު ވިދާޅުވީ، އެބޭފުޅާއަށް އެއްވެސް އެންގުމެއް ނެތި ކޮމިޝަނާރ ޖެނެރަލްގެ މަގާމުން ބަދަލުކުރެއްވީތީ ހައިރާންވާކަމަށާއި، އެބޭފުޅާ އެ މަގާމުގައި ހުންނަވައިގެން ގެންދެވީ ގިނަ މަސައްކަތްތަކެއް ކުރައްވަމުން ކަމަށެވެ. އެގޮތުން ފާއިތުވި 15 އަހަރު ތެރޭގައި ނުކުރެވި ހުރި ބައިވަރު ކަންކަން ކޮށްފައިވާނެކަމަށް ވެސް ވިދާޅުވެފައިވެއެވެ. އަދި ކުރިން ރައްޓެހިންނާއި ގާތް މީހުންނަށް އަވަހަށް ކަންތައްތައް ކޮށްދިނުމުގެ ސަގާފަތް ނިމުމަކަށް ގެނެސް، އޮންނަ ޕްރޮސެސް ތެރެއިން ކަންކަން ކުރަން ފެށި ކަމަށާއި، އެންމެ ނިކަމެތި މީހާއާއި މުއްސަނދި މީހާއާ އެއްހަމަކުރި ކަމަށް އޭނާ ވިދާޅުވެފައިވެއެވެ.

"އެއްވެސް އެންގުމެއް ނެތް، އެއްވެސް ކަހަލަ މަޝްވަރާއެއް ނެތް. ހަމަ ކުއްލިއަކަށް ހަމަ ބަދަލުކޮށްލީ. ހަމަ އެއްވެސް ގޮތަކަށް ނޭގޭ. އިޝާރާތެއް ވެސް ނުދެއްވާ. އެއީ އަޅުގަނޑު ވެސް ހައިރާންވި ކަމަކީ. ހުރިހާ ބޭފުޅުންނަށް ވެސް އެނގޭނެ މިދިޔަ 15 އަހަރުވެސް ނުކުރެވި ހުރި ބައިވަރު ކަންތައްތައް އަޅުގަނޑުކޮށް ނިންމައިފިކަން"

ކޮމިޝަނާރ ޖެނެރަލްގެ މަގާމުގައި ކުރިން ހުންނެވި މާނިއު ވިދާޅުވިއެވެ.

ހޯމް މިނިސްޓަރީގެ ސްޓޭޓު މިނިސްޓަރުކަމުން އިސްތިއުފާދެއްވި ސަބަބެއްގެ ގޮތުގައި މާނިއު ވިދާޅުވެފައިވަނީ، ބޮޑު މުސާރަ ނަގައިގެން މަސައްކަތެއް ނުކޮށް ހުންނަން ބޭނުން ނުވާތީ ކަމަށެވެ. އެބޭފުޅާ ވިދާޅުވީ 20،000 ރުފިޔާ ދީގެން ކުރެވެން އޮތް މަސައްކަތެއް ކުރުމަށް 45،000 ރުފިޔާ ދީފައި ސްޓޭޓް މިނިސްޓަރެއް ހުރުމަށް އެ ބޭފުޅާގެ ޒަމީރު ގަބޫލު ނުކުރައްވާ ކަމަށެވެ.

ކޮމެންޓް
Hussain Ziyad
މާނިއު އަކީ ހަގީގީ މާނިއު އެއް.
25 Jul 2024
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.