Advertisement

22 Jul 2024
ޚަބަރު

ގަވަރުނަރު ވަކި ކުރަން ރައީސް އަށް ލަފާދިނުމަށް ނިންމި މައްސަލަ މަޖިލީހުގެ މިއަދުގެ ޖަލްސާއަށް އެޖެންޑާކޮށްފި

މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގެ ގަވަރުނަރު އަލީ ޙާޝިމަށް އޭނާގެ މަސްއޫލިއްޔަތު އަދާ ނުކުރެވޭކަމަށް ރައްޔިތުންގެ މަޖިލީހުގެ މާލިއްޔަތު ކޮމެޓީއިން ނިންމުމާ ގުޅިގެން، އޭނާ މަގާމުން ވަކިކުރުމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުއިއްޒަށް ލަފާދިނުމާ ގުޅޭގޮތުން މަޝްވަރާ ކުރުން މިއަދުގެ ޖަލްސާގެ އެޖެންޑާގައި ހިމަނައިފިއެވެ.

މާލިއްޔަތު ކޮމެޓީއިން މަޖިލީހުގެ ތަޅުމަށް މި މައްސަލަ ފޮނުވުމުގެ ކުރިން އޭނާގެ މަސައްކަތަށް ޖަވާބުދާރީވުމަށް ކޮމެޓީއަށް ހާޒިރުވެވަޑައިގަންނަވަން އެންގި ނަމަވެސް، އާލާސްކަންފުޅާ އުޅުއްވާ ކަމަށް ވިދާޅުވެ، ތިން ދުވަހު ވެސް ކޮމެޓީ ބައްދަލުވުމަށް އޭނާ ވަޑައިގެންފައެއް ނުވެއެވެ.

އަދި އާލާސްކަންފުޅާ އުޅުއްވާތީ ލިޔުމުން ޖަވާބުދާރީވުމަށް ހާޝިމް އެދިވަޑައިގަތް ނަމަވެސް، އެ ފުރުސަތު ނެދޭން މާލިއްޔަތު ކޮމެޓީއިން ވަނީ ނިންމާފައެވެ.

ގަވަރުނަރުކަމުން އަލީ ހާޝިމް ވަކިކުރަން ފެންނަ ކަމަށް ރައީސްއަށް ލަފާ ދޭން މާލިއްޔަތު ކޮމެޓީން ފާސްކުރިއިރު އެކަމަށް ގޮތެއް ނިންމާނީ މަޖިލީހުގެ ތަޅުމުގައި ނަގާ ވޯޓުންނެވެ. އެހެންކަމުން މި މައްސަލައިގައި މިއަދު ވޯޓު ނެގުން އޮންނާނެކަމަށް ބެލެވެއެވެ.

މާލިއްޔަތު ކޮމިޓީގައި ހާޝިމް ގަވަރުނަރުކަމުން ވަކިކުރަން ހުށަހެޅުއްވީ މަޖިލީހުގެ ނައިބު ރައީސް އަހުމަދު ނާޒިމް އެވެ. އެ ހުށަހެޅުމަށް ތާއިދު ކުރެއްވީ ފުވައްމުލަކު އުތުރު ދާއިރާގެ މެންބަރު ހަމަދު އަބްދުالله އެވެ.

ގަވަރުނަރު ހާޝިމް އޭނާގެ މަގާމުގެ ޒިންމާ އަދާކުރައްވަމުން ނުގެންދަވާ ކަމަށް ވިދާޅުވެ ނާޒިމް ހުށައެޅުއްވި މައްސަލައިގައި ގިނަ ކަންތައްތަކެއް ނާޒިމް ފާހަގަކުރައްވާފައިވެއެވެ. އޭގެ ތެރޭގައި ހިމެނޭ ބައެއް ކަންކަމަކީ؛

1.    ރާއްޖޭގައި ހިންގާ ބޭންކްތަކާއި މާލީ އިދާރާތަކުން އާންމުންނަށް ލޯނު ދޫކުރާ މިންވަރު ނުސީދާކޮށް ހިފަހައްޓައި ބޭންކްތަކުގެ ރިޒާވް އެމްއެމްއޭގައި ބަހައްޓަން ގަވަރުނަރު ބާރުއެޅުއްވުން. އޭގެ ސަބަބުން، އިގްތިސާދުގެ ތެރޭގައި ދައުރުވާން ހުރި ފައިސާ މަދުވެ، އިގްތިސާދީ މަސައްކަތްތައް ހުއްޓި އަދި ގައުމުގެ އިގްތިސާދީ ދުވެލި މަޑިޖެހިފައިވުން

2.    ސަރުކާރުން މިހާރު ފައިސާ ހޯދަމުން އަންނަނީ ރާއްޖޭގެ ބާޒާރުން ކަމުން، އެ ބާޒާރު ރަނގަޅަށް ބެލެހެއްޓުމުގެ މުހިންމުކަން ބޮޑުވެފައިވާ މި ދަނޑިވަޅު، ގަވަރުނަރު އެކަން ކުރައްވަމުން ނުގެންދެވުން

3.    ހޯމްލޭންޑް މިނިސްޓްރީ އާއި ފުލުހުން މަޖިލީހުގެ ސަލާމަތީ ހިދުމަތްތަކާ ބެހޭ ކޮމިޓީއާ ހިއްސާކޮށްފައިވާ ގޮތުގައި، ކުށް ކުރުން ހުއްޓުވުމުގެ ގޮތުން އެމްއެމްއޭގެ ގަވައިދުތައް އަދާހަމަކޮށްފައި ނުވުން

4.    މި ސަރުކާރު ވެރިކަމާ ހަވާލުވި ފަހުން، މިދިޔަ 17 ނޮވެމްބަރުން ފެށިގެން މިވީ ހަތް މަސްދުވަހުގެ ތެރޭ އެމްއެމްއޭގެ ގާނޫނުގެ މައިގަނޑު މަގްސަދުތައް ހާސިލުކުރަން ސަރުކާރަށް ލަފާ ދިނުމާއި އެ މަގްސަދުތައް ހާސިލުކުރަން އަމަލީ ގޮތުން ހަރުދަނާ މަސައްކަތެއް ގަވަރުނަރު ކުރައްވާފައިނުވުން

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.